ნათია გიორგაძე დაიბადა 1973 წლის 31 იანვარს ქუთაისში, არის ფილოლოგი, ქართული ენისა და ლიტერატურის სპეციალისტი, სწავლობდა თბილისის ივანე ჯავახიშვილისა და ქუთაისის აკაკი წერეთლის სახელობის უნივერსიტეტებში. მისი ლექსები იბეჭდება 1994 წლიდან პერიოდიკის შემდეგ გამოცემებში: “არილი”, “ცხელი შოკოლადი”, “ჩვენი მწერლობა”, “ქართული მწერლობა”, “ლიტერატურული პალიტრა” და “ლიტერატურული გაზეთი”. არის შოთა რუსთაველის საზოგადოების წევრი 2002 წლიდან.