დანართი N1 წინამდებარე წესები და პირობები წარმოადგენს მომხმარებელსა და შპს „ბიბლუსი“-ს (ს/ნ 205254892) შორის დადებულ სავალდებულო იურიდიული ძალის მქონე ხელშეკრულებას,რომლითაც რეგულირდება მომხმარებლის მიერ ვებგვერდის გამოყენების პირობები. საიტზე შემოსვლისას თქვენზე ავტომატურად მოქმედებს წინამდებარე წესები და პირობები. კომპანია პასუხისმგებლობით ეკიდება მის კონტროლირებად ვებგვერდზე თითოული მომხმარებლის ვიზიტსა და იმ ინტერესს, რომელსაც მომხმარებელი ვებგვერდზე განთავსებული ინფორმაციის მიმართ იჩენს. ზემოთ ხსენებულიდან გამომდინარე, კომპანია პასუხისმგებლობას იღებს, რომ იზრუნოს მომხმარებლის ინტერესების დაცვაზე და მისთვის მიწოდებული ინფორმაციის უსაფრთხოებაზე. ამავე დროს შპს „ბიბლუსი“-ს (ს/ნ 205254892) აცხადებს, რომ მომხმარებლისგან მიღებულ პერსონალურ მონაცემებს გამოიყენებს ლეგიტიმურად, კონფიდენციალურობის პოლიტიკაში მითითებული მიზნის მისაღწევად. Biblusi.ge-ს ვებგვერდზე რეგისტრაციისას/ავტორიზაციისას სავალდებულოა მომხმარებლის მიერ წინამდებარე წესებსა და პირობებზე და კონფიდენციალურობის პოლიტიკაზე თანხმობა, წინააღმდეგ შემთხვევაში მომხმარებელი ვერ შეძლებს Biblusi.ge ვებგვერდით სარგებლობას. შპს „ბიბლუსი“ უფლებამოსილია ნებისმიერ დროს ცალმხრივად, ამავე წესებსა და პირობებში მითითების გზით, შეიტანოს ცვლილებები ამ პირობებში მომხმარებლის შემდგომი დამატებითი თანხმობის გარეშე. მომხმარებელი წინამდებარე წესებსა და პირობებზე დათანხმებით („ვეთანხმები პირობებს“ უჯრის მონიშვნით) ადასტურებს, რომ სურს კომპანიის მიერ შეთავაზებული სერვისით/მომსახურეობით სარგებლობა. გთხოვთ, პლატფორმით სარგებლობამდე ყურადღებით გაეცნოთ წინამდებარე წესებსა და პირობებს. 1. ტერმინთა განმარტება მმართველი კომპანია/კომპანია - შპს „ბიბლუსი“ (ს/ნ 205254892) (საქართველოს კანონმდებლობის შესაბამისად რეგისტრირებული შეზღუდული პასუხისმგებლობის საზოგადოება, რეგისტრაციის თარიღი: 23/05/2008) იურიდიული მისამართი: საქართველო, თბილისი, საბურთალოს რაიონი, იოსებიძის ქ., N49. ელექტრონული ფოსტა: info@biblusi.ge ცხელი ხაზი: +995 (32) 248 68 44 ვებგვერდი - კომპანიის მიერ ოპერირებადი ვებგვერდი Biblusi.ge. მომხმარებელი - ნებისმიერი იურიდიული პირი ან ნებისმიერი 18 წლის ასაკს მიღწეული ფიზიკური პირი,რომელიც საქართველოს კანონმდებლობის თანახმად ითვლება სრულწლოვანად. მხარეები - მმართველი კომპანია და მომხმარებელი. პირადი ანგარიში (პროფილი) - მომხმარებლის მიერ კომპანიის ვებგვერდზე რეგისტრირებული ანგარიში/პირადი გვერდი. რეგისტრაცია - მომხმარებლის მიერ ვებგვერდზე სპეციალური პროცედურის გავლა და ანგარიშის შექმნა მომსახურების მიღების მიზნით. ავტორიზაცია - მომხმარებლის მიერ პირად ანგარიშზე წინამდებარე წესებითა და პირობებით განსაზღვრული წვდომა. უნიკალური იდენტიფიკატორი - მომხმარებლის სახელი, გვარი, ელექტრონული ფოსტის მისამართი, მობილური ტელეფონის ნომერი და პაროლი, რომელთა საშუალებითაც რეგისტრირდება Biblusi.ge ვებგვერდზე და სარგებლობს ხელმისაწვდომი სერვისებით. ოპერაცია -მომხმარებლის მიერ მის ანგარიშთან ან/და პირად გვერდთან დაკავშირებით განხორციელებული ნებისმიერი ქმედება. პერსონალური მონაცემი (შემდგომ − მონაცემი) − ნებისმიერი ინფორმაცია , რომელიც იდენტიფიცირებულ ან იდენტიფიცირებად ფიზიკურ პირს უკავშირდება . ფიზიკური პირი იდენტიფიცირებადია, როდესაც შესაძლებელია მისი იდენტიფიცირება პირდაპირ ან არაპირდაპირ , მათ შორის , სახელით , გვარით , საიდენტიფიკაციო ნომრით , გეოლოკაციის მონაცემებით , ელექტრონული კომუნიკაციის მაიდენტიფიცირებელი მონაცემებით , ფიზიკური , ფიზიოლოგიური , ფსიქიკური , ფსიქოლოგიური , გენეტიკური , ეკონომიკური , კულტურული ან სოციალური მახასიათებლით. სავაჭრო ობიექტი/სარეწი − ნებისმიერი უძრავი ობიექტი ან მოძრავი ობიექტი, სადაც მოვაჭრე, ჩვეულებრივ, კომერციულ საქმიანობას ახორციელებს. პრომოკოდი-უნიკალური, ასოებისა და/ან ციფრებისაგან შემდგარი კოდი, რომლის საშუალებითაც გამყიდველისგან საქონლის შეძენა ხდება სააქციო პირობებით, ვებგვერდის საშუალებით განსაზღვრული დროის პერიოდის განმავლობაში. გამოყენების წესები-კომპანიის ვებგვერდით სარგებლობისათვის წინამდებარე წესებითა და პირობებით განსაზღვრული წესები. ხელშეკრულება-მხარეებს შორის წინამდებარე ვებგვერდით სარგებლობის მიზნით დადებული სავალდებულო იურიდიული ძალის მქონე შეთანხმება,რომელიც მოიცავს წინამდებარე წესებსა და პირობებსა და კონფიდენციალურობის პოლიტიკას. 1. განცხადებები და გარანტიები: 1. Biblusi.ge ვებგვერდზე რეგისტრაციით/ავტორიზაციით მომხმარებელი აცხადებს და გარანტიას იძლევა,რომ: 1. არის საქართველოს კანონმდებლობის შესაბამისად რეგისტრირებული იურიდიული პირი ან/და 18 წლის ასაკს მიღწეული ფიზიკური პირი,რომელიც საქართველოს კანონმდებლობის თანახმად ითვლება სრულწლოვანად; 2. აქვს იურიდიული უფლებამოსილება შეასრულოს წინამდებარე წესებითა და პირობებით გათვალისწინებული ვალდებულებები; 3. გაეცნო წინამდებარე წესებსა და პირობებს და ყოველგვარ საჭირო ზომას მიიღებს მის შესასრულებლად; 4. უზრუნველყოფს მის მიერ მითითებული ინფორმაციის სიზუსტეს და მის განახლებას. კომპანია არ იქნება პასუხისმგებელი მომხმარებლის მიერ აღნიშნული ვალდებულების შეუსრულებლობით გამოწვეულ ზიანზე; 5. არ გამოიყენებს უნიკალურ იდენტიფიკატორში ნებისმიერი სახის შეურაცხმყოფელ/დისკრიმინაციულ ფრაზას; 6. იკისრებს სრულ პასუხისმგებლობას მისი ანგარიშით განხორციელებულ ნებისმიერ ქმედებაზე; 7. მისი მოქმედებით არ ირღვევა სხვა პირთა უფლებები და თავისუფლებები; 8. საქონლის შეძენამდე დეტალურად გაეცნო მის აღწერას და მახასიათებლებს; 9. ყოველთვის უსაფრთხოდ შეინახავს მისი პირადი ანგარიშის (პროფილის) წვდომის კოდებს და არასდროს გაუმჟღავნებს მათ მესამე პირებს. ამასთან, უსაფრთხოებიდან გამომდინარე, კომპანია რეკომენდაციას აძლევს მომხმარებელს, შეარჩიოს რთული პაროლი, რომელიც შედგება ციფრების, სხვადასხვა სიმბოლოებისა და ასოებისაგან და პერიოდულად უზრუნველყოს მისი განახლება; 10. იკისრებს სრულ პასუხისმგებლობას მისი ანგარიშით განხორციელებულ ნებისმიერ ქმედებაზე. იმ შემთხვევაში, თუ პირი სხვისი სახელითა და მითითებით ახორციელებს წვდომას მომხმარებლის ანგარიშზე, იგულისხმება, რომ კომპანიას გააჩნია საკმარისი უფლებამოსილება, მომხმარებელს დააკისროს განსაზღვრული ვალდებულებები. კომპანია არ არის პასუხისმგებელი მესამე პირის მიერ მომხმარებლის ანგარიშზე წვდომისას დამდგარ ზიანზე. 11. არ განახორციელებს ისეთ ქმედებას, რომელიც საფრთხეს შეუქმნის Biblusi.ge-ს გამართულ ფუნქციონირებას; არ განახორციელებს ქმედებას, რომელიც იკრძალება მოქმედი კანონმდებლობით, წინამდებარე წესებითა და პირობებით და Biblusi.ge -ს კონფიდენციალურობის დაცვის პოლიტიკით; 12. დაიცავს ვებგვერდზე რეგისტრაციისას მითითებული ინფორმაციის კონფიდენციალურობას; 13. მის მიერ პირადი ანგარიშის (პროფილის) გახსნით არ არღვევს არანაირ კანონს, რეგულაციას ან მესამე პირთა უფლებებს. იგი ვალდებულია დაიცვას კომპანიის ინტერესები და აუნაზღაუროს კომპანიას მომხმარებლის მიერ წინამდებარე პუნქტით გათვალისწინებული მოთხოვნების დარღვევის შედეგად მიყენებული ზიანი (ასეთის არსებობის შემთხვევაში). 2. რეგისტრაციის/ავტორიზაციის წესები 1. კომპანიის მიერ ოპერირებად ვებგვერდზე განთავსებული საქონლის შეძენის მიზნით, მომხმარებელი ვალდებულია დარეგისტრირდეს/ავტორიზაცია გაიაროს Biblusi.ge ვებგვერდზე. 2. მომხმარებლის ვებგვერდზე რეგისტრაცია ხორციელდება სახელის, გვარის, პირადი ნომრის, მობილური ტელეფონის ნომრის, ელექტრონული ფოსტის, სქესის და სისტემაში შესასვლელი პაროლის მითითების გზით, სისტემაში შესასვლელი პაროლის დადასტურების შემდგომ, „რეგისტრაცია“ ღილაკზე ხელის დაჭერით მომხმარებლის ანგარიში Biblusi.ge -ს ვებგვერდზე რეგისტრირებულად მიიჩნევა. 3. რეგისტრაციის/ავტორიზაციის დასასრულებლად საჭიროა, რომ მომხმარებელი დაეთანხმოს ვებგვერდით სარგებლობის წესებსა და პირობებს, ასევე თანდართულ კონფიდენციალურობის პოლიტიკას. 4. ვებგვერდზე რეგისტრაციის პროცესის დასრულების შემდგომ მომხმარებელი უფლებამოსილია პირად პროფილში შეცვალოს/წაშალოს თავისი პერსონალური მონაცემები. 5. ვებგვერდით შემდგომი სარგებლობის მიზნით, მომხმარებელი ვალდებულია გაიაროს ავტორიზაცია: ელექტრონული ფოსტის მისამართის და სისტემაში შესასვლელი პაროლის მითითების გზით. 6. გთხოვთ, გაითვალისწინოთ, რომ მომხმარებელი უფლებამოსილია რეგისტრაციის გავლის გარეშეც დაათვალიეროს Biblusi.ge-ს ვებგვერდზე განთავსებული საქონელი, ხოლო შესაძენად აუცილებელია რეგისტრაციის გავლა, რისთვის აუცილებელი იქნება საიტზე განთავსებულ წესებსა და პირობებზე დათანხმება და „ვეთანხმები პირობებს“ უჯრის მონიშვნა. 2. მომსახურეობის სახე და პირობები 5. მმართველი კომპანია, შპს „ბიბლუსი“ (ს/ნ 205254892) შესაძლებლობას აძლევს მომხმარებელს, მის ოპერირებად ვებგვერდზე Biblusi.ge-ზე შეიძინოს კომპანიის მიერ შეთავაზებული საქონელი, ამ უკანასკნელის მიერ განსაზღვრული პირობებით. 6. ვებგვერდზე განთავსებული საქონლის ფასი მოცემულია ლარში და მოიცავს საქართველოს კანონმდებლობით გათვალისწინებულ გადასახადებს. მმართველი კომპანია უფლებამოსილია პერიოდულად გაანახლოს ვებგვერდზე განთავსებული საქონლის ღირებულება. საქონლის ღირებულების ცვლილება, უკვე განთვასებულ შეკვეთებზე არ განხორციელდება. 7. შპს „ბიბლუსი“ მომხმარებელს შესაძლებლობას აძლევს ოპერირებად ვებგვერდ Biblusi.ge -ზე შეიძინოს განთავსებული პროდუქცია მასზე ინდივიდუალურად მორგებული ფასდაკლებით,რისთვისაც აუცილებელი იქნება კომპანიის მიერ შეთავაზებული პრომოკოდის შესაბამის გრაფაში მითითება. 8. მომხმარებელს შესაძლებლობა აქვს შეძენილი საქონელი ნებისმიერ დროს იხილოს პირად პროფილში. 3. ღირებულების გადახდა 5. მომხმარებელი უფლებამოსილია საქონლის/მომსახურეობის ღირებულება გადაიხადოს საქართველოში ლიცენზირებული კომერციული ბანკების მიერ გაცემული Visa ან Mastercard ბარათით, „გადახდა“ ღილაკზე ხელის დაჭერის გზით მოხმარებელი გადადის ახალ გვერდზე, სადაც ბარათის საიდენტიფიკაციო მონაცემების მითითება ხდება უშუალოდ საგადასახადო მომსახურეობის პროვაიდერთან, შედეგად ბარათის საიდენტიფიკაციო მონაცემებთან შპს „ბიბლუსი“-ს წვდომა არ აქვს. 6. ვებგვერდ Biblusi.ge-ზე საქონლის ღირებულების გადახდა შესაძლებელია საქართველოს, თიბისი ბანკისა და ლიბერთის ბანკის ბარათებით, ასევე შესაძლებელია საქართველოს ბანკისა და თიბისი ბანკის განვადებებით სარგებლობა და გადახდა ქიფზის გადახდის არხით საშუალებით, რისთვისაც აუცილებელია მიჰყვეთ ვებგვერდზე არსებულ ინსტრუქციას. 7. საქონლის ღირებულების გადახდა შესაძლებელია ასევე მომხმარებლის მიმართ გამოწერილი ინვოისის საფუძველზეც, რა დროსაც საქონლის ღირებულების გადახდა ხორციელდება მმართველი კომპანიის ანგარიშზე უნაღდო ანგარიშსწორების გზით. 8. გადახდა ჩაითვლება შესრულებულად მხოლოდ მას შემდეგ, რაც თანხა აისახება კომპანიის სისტემაში. 9. საქონლის დეტალური პირობები მოცემულია თითოეული პროდუქციის აღწერაში, რომლის გაცნობის ვალდებულებაც მომხმარებელს საქონლის შეძენამდე წარმოეშვება. 10. ანგარიშსწორების განხორციელებამდე მომხმარებელი ვალდებულია გადაამოწმოს მის მიერ მითითებული საკონტაქტო ინფორმაცია. არასწორი/არასრული საკონტაქტო ინფორმაციის მითითების შემთხვევაში საქონლის მიწოდების შეფერხების თაობაზე პასუხისმგებლობა ეკისრება მომხმარებელს. 5. შპს „ბიბლუსი“ მომხმარებელს სთავაზობს საქონლის მიწოდებას.მიწოდების სერვისი მოქმედებს მთელი საქართველოს მაშტაბით და სერვისით შეუფერხებლად სარგებლობისათვის მომხმარებელი ვალდებულია შესაბამის გრაფაში მიუთითოს მისი მისამართი, რომლის დამუშავება/შენახვაც ვებგვერდის მიერ ხორციელდება მხოლოდ საქონლის მომხმარებლისთვის გადაცემამდე. 6. Biblusi.ge შეკვეთის მიწოდებისას იყენებს საკურიერო მომსახურებას. შეკვეთისას უთითებთ სახელს, გვარს, პირად ნომერს, ელ ფოსტას, საკონტაქტო ნომერსა და ფაქტობრივ მისამართს. აღნიშნული ინფორმაციის მიწოდების გარეშე მომხმარებელი ვერ შეძლებს მიწოდების სერვისით სარგებლობას. 7. შეკვეთის შემდეგ მიიღებთ ავტომატურ დადასტურებას სმს-ის სახით, რის შემდეგაც მოხდება ნივთის ტრანსპორტირება. 8. მიწოდება ხორციელდება მთელი საქართველოს მასშტაბით. ტარიფი: თბილისი –5 ლარი, რეგიონები – 7 ლარი. მიწოდების მაქსიმალური ვადა: თბილისი – 4 სამუშაო დღე, რეგიონები – შეკვეთიდან 7 სამუშაო დღე. 9. შესაძლებელია გამონაკლის შემთხვევაში კომპანიას დასჭირდეს განსაზღვრულ ვადზე მეტი დრო. * შეკვეთილი პროდუქტები და დეტალები გამოჩნდება შეკვეთების გვერდზე. შეკვეთილი პროდუქტების და მიწოდების ვადებთან დაკავშირებით დამატებითი ინფორმაციის მიღებას შეძლებთ კომპანიის ოფიციალურ Facebook გვერდზე facebook.com/biblusi.ge ან/და კომპანიის ცხელ ხაზზე: +995 (32) 248 68 44 ზარის განხორციელების გზით. 10. შეკვეთის მიღების დროს კურიერის თანდასწრებით უნდა შეამოწმოთ, პროდუქციას აქვს თუ არა ნაკლი. თუ პროდუქცია არის ნაკლიანი, მომხმარებელს უფლება აქვს არ ჩაიბაროს შეკვეთა და ვალდებულია დაუყოვნებლივ დაუკავშირდეს კომპანიას. 11. გთხოვთ, გაითვალისწინოთ,რომ შაბათ-კვირას შპს „ბიბლუსი“ არ უზრუნველყოფს საქონლის მიწოდებას/საკურიერო მომსახურებას. 12. ვებგვერდზე შეძენილი საქონლის მოწოდებასთან დაკავშირებული პრეტენზიის შემთხვევაში, მომხარებელი უფლებამოსილია, გამოიყენოს მისთვის საქართველოს კანონმდებლობით მინიჭებული უფლებები. 13. საქონლის დეტალური პირობები მოცემული იქნება თითოეული პროდუქციის აღწერაში. 4. ანგარიშის გაუქმება 5. მომხმარებელი უფლებამოსილია შპს „ბიბლუსი“-ს ოპერირებად ვებგვერდზე Biblusi.ge-ზე პირადი ანგარიში გააუქმოს ნებისმიერ დროს, რისთვისაც აუცილებელია დაუკავშირდეს მმართველ კომპანიას ელექტრონული ფოსტის მისამართზე info@biblusi.ge რეგისტრაციიის გაუქმების შემდეგ, იშლება მომხმარებლის მიერ შპს „ბიბლუსი“-ისთვის მიწოდებული პერსონალური მონაცემები და მმართველი კომპანია უფლებამოსილია 3 (სამი) წლის ვადით შეინახოს მხოლოდ მომხმარებლის მიერ პირადი ანგარიშით განხორციელებული შესყიდვების ისტორია. 6. წინამდებარე ხელშეკრულებით განსაზღრული განცხადებებისა და განარტიების მომხმარებლის მხრიდან დარღვევის შემთხვევაში შპს „ბიბლუსი“ უფლებამოსილია გააუქმოს მომხმარებლის ანგარიში ვებგვერდ Biblusi.ge-ზე, ,რის თაობაზეც მომხმარებელს წინასწარ ეცნობება ვებგვერდზე მითითებულ ელექტრონულ ფოსტის მისამართზე 2 (ორი) დღით ადრე შეტყობინების გაგზავნის გზით. 7. მმართველი კომპანია უფლებამოსილია გააუქმოს მოხმარებლის ანგარიში ვებგვერდ Biblusi.ge-ზე, იმ შემთხვევაში თუკი რეგისტრაციიდან 3 (სამი) წლის განმავლობაში არ განხორციელდება მომხმარებლის ანგარიშიდან არცერთი აქტივობა. 8. წინამდებარე ხელშეკრულების 5.3 მუხლით განსაზღვრულ შემთხვევაში მმართველი კომპანია ვებგვერდზე მითითებულ ელექტრონული ფოსტის მისამართზე 2 (ორი) დღით ადრე გაუგზავნის მომხმარებელს შეტყობინებას ანგარიშის მოსალოდნელი გაუქმების შესახებ. 5. კომპანიის უფლებამოსილებები და პასუხისმგებლობა 5. კომპანია პასუხს არ აგებს არასწორად მოწოდებული ინფორმაციის/დოკუმენტ(ებ)ის საფუძველზე მომხმარებლისთვის ან/და მესამე პირებისთვის მიყენებულ ნებისმიერ ზიანზე/ზარალზე. 6. ვებგვერდის მოხმარების წესებისა და პირობების დარღვევის შემთხვევაში მმართველი კომპანია უფლებამოსილია დაბლოკოს დამრღვევი მომხმარებლის ანგარიში. 7. კომპანია გამორიცხავს როგორც თავის, ასევე მისი ყველა თანამშრომლის, ნებისმიერ პასუხისმგებლობას წინამდებარე დოკუმენტისა და მოქმედი კანონმდებლობის მომხმარებლის მიერ ბრალეული დარღვევის შემთხვევაში. 8. კომპანია იხსნის სრულ პასუხისმგებლობას გაუფრთხილებლობის შედეგად დამდგარ ზიანზე, ასევე იმ შემთხვევებზე, როდესაც მესამე პირისათვის გახდა ცნობილი მომხმარებლის ავტორიზაციისათვის საჭირო ინფორმაცია. 9. კომპანია ვალდებულია დაექვემდებაროს წინამდებარე წესებს. 10. კომპანია პასუხს არ აგებს მომხმარებლის მიერ მითითებული ბარათის საიდენტიფიკაციო მონაცემების უსაფრთხოებაზე. 11. კომპანია არ არის პასუხისმგებელი იმ შემთხვევებზე, როდესაც ტექნიკური მიზეზებისა თუ დროებითი ხარვეზის გამო, მომხმარებელმა ვერ შეძლო სასურველი საქონლის შეძენა. 12. კომპანია არ არის პასუხისმგებელი, თუ ნაკისრი ვალდებულებების შეუსრულებლობა ან არაჯეროვანი შესრულება გამოწვეული იყო დაუძლეველი ძალის მოქმედებით (ხანძარი, აფეთქება, ავარია, ეპიდემია, პანდემია, წყალდიდობა და სხვა ფორს-მაჟორული გარემოებები). 13. კომპანია უფლებამოსილია საკუთარი შეხედულებისამებრ, ცალმხრივად შეცვალოს საქონლის შეძენის ან/და ანგარიშსწორების წესები. 14. მმართველი კომპანია ვალდებულია მომხმარებელს გადასცეს ხელშეკრულებით გათვალისწინებული პირობების შესაბამისი საქონელი; 15. საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი შეესაბამება მმართველი კომპანიის მიერ მომხმარებლისთვის მიწოდებულ აღწერას და მას აქვს იგივე თვისებები, რომლებიც მმართველი კომპანიის მიერ მომხმარებლისთვის წარდგენილ საქონლის ნიმუშს ჰქონდა. 16. მმართველი კომპანიის მიერ მომხმარებლისთვის მიწოდებული აღწერის არარსებობის შემთხვევაში საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი გამოსადეგია იმ მიზნისთვის, რომლის თაობაზედაც მომხმარებელმა მმართველ კომპანიას ხელშეკრულების დადების დროს აცნობა და რომელსაც მმართველი კომპანია დაეთანხმა. 6. მომხმარებლის უფლებამოსილებები 5. თუ მომხმარებლის მიერ შეძენილი საქონელი ნაკლის მქონე აღმოჩნდა, მომხმარებელს უფლება აქვს, მმართველ კომპანიას მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან; 2. საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მმართველ კომპანიას მოსთხოვოს საქონლის უსასყიდლოდ შეკეთება ან შეცვლა,გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს; 3. საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა. 4. საქონლის უსასყიდლოდ შეკეთება ან შეცვლა გულისხმობს მმართველი კომპანიის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად. 5. მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა: ა)საქონლის შეკეთება ან შეცვლა შეუძლებელია; ბ)მმართველმა კომპანიამ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა; გ)მმართველი კომპანიის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის. 6. მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით. 7. მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა. 8. იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული იქნება შემდეგი პირობები: ა)საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში; ბ)საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი; გ)საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა. 7. მხარეთა პასუხისმგებლობა 5. თითოეულ მხარეს უფლება აქვს მოსთხოვოს მეორე მხარეს ნაკისრი ვალდებულებათა სრული, ჯეროვანი და კეთილსინდისიერი შესრულება. 6. მხარეები იღებენ ვალდებულებას აუნაზღაურონ ერთმანეთს მათ მიერ ნაკისრ ვალდებულებათა სრულად ან ნაწილობრივ შეუსრულებლობის ან არაჯეროვნად შესრულების შედეგად მიყენებული ზიანი კანონმდებლობით დადგენილი წესით, ხოლო ზიანის ანაზღაურება მხარეებს არ ათავისუფლებს ნაკისრი ვალდებულებების შესრულებისგან. 8. დაბრუნების პოლიტიკა ყოველგვარი საფუძვლის მითითების ხელშეკრულებაზე უარის თქმასთან დაკავშირებული გამონაკლისი 5. „მომხმარებლის უფლებების დაცვის შესახებ“ საქართველოს კანონის მე-13 მუხლის თანახმად მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში,გარდა იმ შემთხვევისა თუ: 1. მმართველმა კომპანიამ ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას; 2. ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც მმართველი კომპანია ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა; 3. მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული; 4. მიწოდებული საქონელი მალფუჭებადია ან მას მოკლე ვარგისობის ვადა აქვს; 5. მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო; 6. მიწოდებულ იქნა ჟურნალ-გაზეთები ან სხვა სახის პერიოდული გამოცემა, გარდა იმ შემთხვევისა, როდესაც მათი/მისი მიწოდების საფუძველი სააბონენტო ხელშეკრულებაა; 7. მიწოდებულ იქნა დალუქული აუდიო- ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა; 8. ეს ვადა აითვლება: მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან. 9. დაბრუნების პირობები 1. წინამდებარე მუხლის დებულებები, რომელიც შეეხება 14 (თოთხმეტი) კალენდარული დღის განმავლობაში ნივთის უპირობო დაბრუნებას, ვრცელდება მხოლოდ მომხმარებლებზე, რომლებიც არიან ფიზიკური პირები. 2. მომხმარებელს უფლება აქვს ისარგებლოს შეძენილი ნივთის/პროდუქტის დაბრუნების უფლებით. ნივთის დაბრუნების სურვილის შემთხვევაში სავალდებულოა მოთოხვნა დააფიქსიროთ კომოანიის ცხელ ხაზზე (+995 (32) 248 68 44) ან ფეისბუქ გვერდის (facebook.com/biblusi.ge) ჩატში. 3. ნივთის დაბრუნების ინიცირების უფლება თქვენ გენიჭებათ ნივთის ჩაბარების მომენტიდან და მოქმედებს ნივთის მიღებიდან 14 (თოთხმეტი) კალენდარული დღის განმავლობაში. 4. თუ თქვენ 14 (თოთხმეტი) კალენდარულ დღეში არ მოახდენთ ნივთის დაბრუნების ინიცირებას, თქვენ დაკარგავთ ნივთის დაბრუნების უფლებას. 5. დაბრუნების მოთხოვნის შემდეგ თქვენ გენიჭებათ 7 (შვიდი) კალენდარული დღე, რათა მოახდინოთ კომპანიისთვის ნივთის დაბრუნება. (აღნიშნული ვადის გასვლის შემდეგ კომპანია არ არის ვალდებული დაიბრუნოს ნივთი) 6. ნივთის დაბრუნება შეგიძლიათ განახორციელოთ კომპანიის შემდეგ მისამართზე: ფილიალის იმ მისამართზე, რომლის შესახებ ინფორმაციას მიიღებთ მოთხოვნის დაფიქსირების შემდგომ ან/და თინა იოსებიძის 49 ორშაბათიდან-პარასკევის ჩათვლით, დღის შემდეგ მონაკვეთში: 09:30- 18:00 სთ. 7. ნივთი დაბრუნებას არ ექვემდებარება კანონმდებლობით განსაზღვრულ შემთხვევებში (ჰიგიენური ნივთები, 30 ლარამდე ნივთები და სხვა). შესაბამისად, ასეთ ნივთებზე დაბრუნების მოთხოვნა ვერ განხორციელდება, თუ საგამონაკლისო ნივთებს ჩაბარების მომენტში აღენიშნებათ ხარვეზი და მას კურიერის თანდასწრებით აღმოაჩენთ, პრეტენზია უნდა დააფიქსიროთ კომპანიასთან დაუყივნებლივ. 8. ნივთის დაბრუნებისას აუცილებელია ნივთს თან ახლდეს კომპანიის მხრიდან თქვენთვის ნივთის ჩაბარების დროს გადმოცემული/თანდართული ყველა თანმხლები ნაწილები და დოკუმენტი. 9. თუ ნივთს ან/და ნივთის თანმხლებ ნაწილს/დოკუმენტს აღენიშნება რაიმე სახის ცვლილება, (დაზიანება; გამოყენების კვალი და სხვა ცვლილებები) კომპანია უფლებას იტოვებს ეჭვქვეშ დააყენოს მისი ნამდვილობა/უნაკლოობა და შესაბამისად, დაბრუნების პროცედურა შეაჩეროს მოკვლევითი სამუშაოების ჩატარებამდე, რაც შეიძლება გაგრძელდეს არაუმეტეს 14 სამუშაო დღისა. ნივთის მდგომარეობიდან გამომდინარე შესაძლოა დაგიბრუნდეთ გადახდილი თანხის ნაწილი.ხელშეკრულებაზე უარის თქმის შემთხვევაში მომხმარებელი ვალდებულია: ა) მმართველ კომპანიას ან მის მიერ განსაზღვრულ მესამე პირს დაუბრუნოს დაუზიანებელი საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა; ბ) გასწიოს საქონლის დაბრუნებასთან დაკავშირებული პირდაპირი (უშუალო) ხარჯი. 10. იმ შემთხვევაში, თუ ნივთის მახასიათებლები არ შეესაბამება საიტზე მითითებულ მონაცემებს, ნივთს გააჩნია თავდაპირველი ნაკლი ან ნივთი დაზიანებულია ტრანსპორტირების შედეგად, პროდუქციის უკან დაბრუნებას უზრუნველყოფს მმართველი კომპანია თავისი რესურსით. 11. მომხმარებელი ვალდებულია სრულად დააბრუნოს ნივთი ყველა თანდართულ დოკუმენტთან ერთად. 12. მმართველი კომპანია ვალდებულია ნივთის უკან დაბრუნების შეტყობინების მიღებიდან 14 კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. მმართველ კომპანიას უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება. 13. თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს. 14. მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას. 15. ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ. ყოველგვარი საფუძვლის მითითების გარეშე ხელშეკრულებაზე უარის თქმასთან დაკავშირებული გამონაკლისი. 10. კონფიდენციალურობის პოლიტიკა 1. კომპანიის კონტროლირებად ვებგვერდზე Biblusi.ge-ზე ელმისაწვდომია თანდართული ფაილის სახით წარმოდგენილი კონფიდენციალურობის პოლიტიკა. 2. კონფიდენციალობის პოლიტიკა ეხება პერსონალურ მონაცემებზე არასანქცირებულ წვდომასთან დაკავშირებულ და კომპანიაში არსებულ მექანიზმებს, რომელთა საშუალებითაც კომპანია უზრუნველყოფს თქვენი პერსონალური მონაცემების დაცვასა და დამუშავებას. 3. ვებგვერდზე Biblusi.ge რეგისტრაციით და წინამდებარე წესებსა და პირობებზე დათანხმებით, მომხმარებელი ადასტურებს, რომ გაეცნო და დაეთანხმა კონფიდენციალურობის პოლიტიკას და კომპანიის ვებ-გვერდით სარგებლობის ყველა პირობას. 11. მოქმედების ვადა და შეწყვეტის წესი 1. წინამდებარე წესები და პირობები და მისი დანართები, ასევე მასში განხორციელებული ნებისმიერი ცვლილება/დამატება, მოქმედებს მომხმარებლის მიერ ანგარიშის გაუქმებამდე. 2. წინამდებარე დოკუმენტის მოქმედება შესაძლებელია შეწყდეს საქართველოს კანონმდებლობით ან/და წინამდებარე წესით გათვალისწინებულ შემთხვევებში, აგრეთვე მომხმარებლის ინიციატივით ნებისმიერ დროს, შეწყვეტის მომენტისათვის კომპანიის წინაშე არსებული ნებისმიერი სახის დავალიანების (ასეთის არსებობის შემთხვევაში) სრულად დაფარვის შემდეგ. 12. მარეგულირებელი კანონმდებლობა 1. წინამდებარე წესები და პირობები რეგულირდება და განიმარტება საქართველოს კანონმდებლობის შესაბამისად. 2. მხარეთა შორის წამოჭრილი ნებისმიერი სადავო საკითხი უნდა გადაწყდეს მოლაპარაკების გზით, ხოლო შეთანხმების მიუღწევლობის შემთხვევაში საქმეს განიხილავს თბილისის საქალაქო სასამართლო. 13. დასკვნითი დებულებები 1. წინამდებარე წესებისა და პირობების რომელიმე პუნქტის ბათილობა არ იწვევს მთლიანად წესებისა და პირობების ბათილობას. 2. წინამდებარე წესები და პირობები, მასთან დაკავშირებული სხვა დოკუმენტები ერთად წარმოადგენს ერთიან და მთლიან შეთანხმებას ვებგვერდთან ან/და სერვისებთან დაკავშირებით და ანაცვლებს ვებგვერდთან ან/და სერვისებთან დაკავშირებულ ყველა წინარე და პარალელურ რეჟიმში განხორციელებულ კომუნიკაციას, აღქმას, ასევე წერილობით ან ზეპირ განცხადებებსა და გარანტიებს. 3. კომპანია უფლებამოსილია ნებისმიერ დროს ცალმხრივად, ვებგვერდზე გამოქვეყნების გზით, შეიტანოს ცვლილებები ამ ხელშეკრულებაში და კონფიდენციალობის პოლიტიკაში მომხმარებლის შემდგომი დამატებითი თანხმობის გარეშე. ზემოთ ხსენებული ცვლილების შემდეგ ვებგვერდის და მომსახურების გამოყენების გაგრძელება ჩაითვლება მომხმარებლის ხელშეკრულების ცვლილებებზე თანხმობად. 4. მომხმარებელი უფლებამოსილია კომპანიის ვებგვერდზე ინფორმაციის განთავსებიდან 10 (ათი) კალენდარული ვადაში ნებისმიერ დროს შეწყვიტოს ამ წესებისა და პირობების მოქმედება კომპანიის მიმართ წერილობითი შეტყობინების განხორციელების საფუძველზე. 5. საკითხები, რომლებიც არ არის გათვალისწინებული წინამდებარე წესებითა და პირობებით, რეგულირდება საქართველოს კანონმდებლობით. 6. ნებისმიერი საკითხის დასაფიქსირებლად მომხმარებელს შეუძლია მიმართოს კომპანიის კლიენტთა მომსახურების ცენტრს ნომერზე +995 (32) 248 68 44 ან მიმართოს კომპანიას ელექტრონული შეტყობინების გაგზავნის გზით ელ.ფოსტაზე: info@biblusi.ge