არგენტინელი ესპანურენოვანი ავტორი. მოთხრობების სამი კრებულის ავტორი. მის ნაშრომებს მრავალი საერთაშორისო ჯილდო აქვს მოპოვებული და ნათარგმნია 20-ზე მეტ ენაზე, მათ შორის ინგლისურ, გერმანულ, ფრანგულ, იტალიურ, პორტუგალიურ, სერბულ, შვედურ და ქართულ ენებზე. ამჟამად ცხოვრობს ბერლინში.[9][10] 2002 წელს შვებლინის პირველი წიგნი El núcleo del Disturbio (დარღვევათა ბირთვები) დაიბეჭდა, რომელმაც არგენტინის ხელოვნების ეროვნული ფონდის ჯილდო მოიპოვა და ჰაროლდ კონტის ეროვნულ შეჯიბრში პირველი ადგილი აიღო. 2008 წელს მოთხრობების კრებულისთვის „ჩიტის ლუკმა“, შვებლინს Casa de las Américas-ის ჯილდო გადაეცა.[10] მოთხრობების მესამე კრებული Siete casas vacías (შვიდი ცარიელი სახლი) 2015 წელს დაიბეჭდა. მისი პირველი რომანი Distancia de Rescate (უსაფრთხო მანძილი) 2014 წელს გამოიცა და ერთი წლის შემდეგ ინგლისურად ითარგმნა როგორც ცხელებიანი ზაფხული. წიგნმა ტიგრო ხუანის პრემია მოიპოვა[11] და ნომინირებული იყო 2017 წლის ბუკერის საერთაშორისო პრემიაზე.