ტომ პეროტა დაიბადა ნიუარკში, ნიუ-ჯერსის შტატში. სცენარისტი და მწერალი 9 ნაწარმოების ავტორია, რომელთაგან ორის - „არჩევნებისა“ და „პატარა ბავშვების“ - ეკრანიზაციები ჯამში „ოსკარის“ ოთხ ნომინაციაზე იყო წარდგენილი. „ნარჩენების“ სატელევიზიო ეკრანიზაცია, შეიძლება ითქვას, უკვე საკულტო სტატუსით სარგებლობს. მეოთხე რომანის გამოსვლის შემდეგ „ნიუ-იორკ თაიმსმა“ მწერალი „ამერიკელ ჩეხოვად“ მოიხსენია. თავად, როცა გავლენებზე ლაპარაკობს, ჰემინგუეისა და კარვერის ტრადიციებს ახსენებს. ტომ პეროტამ 2006 წელს „პატარა ბავშვების“ ეკრანიზაციის შემდგომ, საუკეთესო ადაპტირებული სცენარის კატეგორიაში ოსკარის ნომინაცია დაიმსახურა.