ფსიქოლოგიური ჟანრის ამერიკელი მწერალი და სამხედრო-საზღვაო პირი. ექვსი რომანისა და მოთხრობების 4 კრებულის ავტორი. მარჩი კრიტიკოსთა მხრიდან დადებით შეფასებებს იღებდა, თუმცა პოპულარობა არასდროს მოუპოვებია. გაიზარდა ალაბამის ერთ-ერთ სოფელში. სიღარიბის გამო სკოლა 20 წლამდე ვერ დაამთავრა. სწავლობდა სამართალზე, მაგრამ სიღარიბის გამო ეს კურსიც ვერ დაასრულა. 1917 წელს მაჰეტენში იურიდიულ ოფისში მუშაობისას იგი აშშ-ის სამხედრო-საზღვაო ძალებში მოხალისედ ჩაეწერა, I მსოფლიო ომშიც მიიღო მონაწილეობა და უმაღლესი ჯილდოები დაიმსახურა: ფრანგული ომის ჯვარი, ჯვარი გამორჩეული სამსახურისთვის და სამხედრო-საზღვაო ჯვარი. ომის შემდეგ კვლავ იურიდიულ ოფისში მუშაობდა, სანამ წარმატებულ ბიზნეს კარიერას დაიწყებდა. ბიზნესში ჩართულმა მარჩმა წერა დაიწყო. თავდაპირველად მოთხრობებს წერდა, ხოლო 1933წელს გამოვიდა მისი რომანი - რაზმი K, რომელშიც მისი ომისდროინდელი გამოცდილება ასახა. ამას მოჰყვა სერია „მარგალიტის ქვეყანა“, რომანებისა და მოთხრობების სერია, რომელშიც მოქმედება ავტორის მშობლიურ სამხრეთ ალაბამაში მიმდინარეობს. ყველაზე წარმატებული რომანი The Looking Glass აღმოჩნდა, თუმცა მარჩს ლიტერატურული წარმატებისთვის არ მიუღწევია. ავტორის უკანასკნელი რომანი მანკიერი თესლი 1954 წელს გამოიცა. მარჩი იმავე წელს გარდაიცვალა. 1954 წელს ნაწარმოები სცენაზეც დაიდგა, ხოლო 1956, 1985 და 2018 წლები რომანის მიხედვით იმავე სახელწოდების ფილმები გადაიღეს. 2015 წლის 8 ივნისს უილიამ მარჩი ერთ-ერთი იყო იმ 12 ადამიანს შორის, რომელიც ალაბამის მწერალთა დიდების ხეივანში შეიყვანეს.