წარმოშობით ავსტრალიელი მწერალი დიბისი პიერი (პიტერ ფინლი) ავტორია ნაწარმოებებისა: „ვერნონ გენიოს ლითლი“ და „ლიუდმილას დამტვრეული ინგლისური“. ხსენებულთაგან პირველმა 2003 წელს ავტორს ბუკერის პრემია მოუტანა და მისი ცხოვრება სამუდამოდ შეცვალა. როგორც თავად ამბობს, პიერმა საპრიზო თანხით ახალგაზრდობაში დაგროვილი ვალები გაისტუმრა, რაც ბევრისთვის ეს ერთ-ერთი ყველაზე მოულოდნელი გადაწყვეტილება აღმოჩნდა და ბუკერის პრემიის ჟიურიც გააოცა. ავსტრალიაში დაბადებული დიბისი პიერი მექსიკაში გაიზარდა, სადაც ნარკოდამოკიდებული გახდა და მრავალი წელი ნარკოტიკებით მთვრალმა გაატარა. მისი მტკიცებით, სრული განადგურებისგან ავსტრალიაში დაბრუნებამ იხსნა. ამჟამად ის დიდწილად დიდ ბრიტანეთში ცხოვრობს და გარკვეულ დროს ირლანდიაში ატარებს. „ვერნონ გენიოს ლითლიც“ ავტორმა დიდწილად სწორედ ბრიტანეთში დაწერა.