საქართველოს საფეხბურთო ნაკრებს არასოდეს უთამაშია მწვანე და ნაცრისფერ მაისურში ჩაცმულს, თუმცა ქუჩაში ბევრ მოზარდს შეხვდებით სწორედ ამ ფერის ფორმებში გამოწყობილს.

მათ ზურგზე 1 ან 12 ნომერი აწერიათ, იქვე ლათინური წარწერაა: MAMARDASHVILI.

 თუ აქამდე საიმედო მეკარეს ბუფონს, ნოიერს ან კასილიასს ადარებდნენ, დღეს ქართველებისთვის მისაბაძი გიორგი მამარდაშვილია.

ამ წიგნში შეკრებილია საინტერესო ამბები მეკარეზე, რომელმაც პროფესიული ფეხბურთი რუსთავიდან დაიწყო და ლივერპულამდე მიაღწია.