ავტორის შესახებ
ლივანიდან ამერიკაში ჩასული ემიგრანტების ოჯახში. როდესაც უილიამი ექვსი წლის იყო მამამისმა ოჯახი მიატოვა და სამშობლოში დაბრუნდა. ოჯახს გაჭირვების გამო მუდმივად უხდებოდა საცხოვრებელი ადგილის გამოცვლა. პიტერის დედა რელიგიური ქალი იყო. ამან განაპირობა უილიამის შეყვანა ნიუ-იორკის კათოლიკურ სკოლაში, რომელიც წმინდა სტეფანის სახელობის იყო. პიტერი ასევე სწავლობდა იეზუიტურ საშუალო სკოლაში, ჯორჯთაუნისა და ჯორჯ ვაშინგტონის უნივერსტიტეტში. სამივე საგანმანათლებლო დაწესებულებაში ახალგაზრდა ინგლისურ ლიტერატურას სწავლობდა. გაჭირვების გამო მას ახალგაზრდობაშივე დასჭირდა მუშაობის დაწყება. ბევრ ადგილზე მუშაობდა – სატვირთოს მძღოლად, გაზეთის რედაქტორად და სხვა.
1949 წელს უილიამმა ჯორჯთაუნის უნივერსტიტეტი დაამთავრა. ერთ-ერთმა მასწავლებელმა, რომლის სახელიც მამა ტომას ვ. ბერმინგემი იყო, თავის წარმატებულ მოწაფე უილიამს შესთავაზა, რომ ხელში აეღო ,,ადამიანში ჩასახლებული ბოროტი ძალის პრობლემა“.
1951 წელს ის წავიდა საომარ-დიპლომატიურ სამსახურში. მისი კორპუსი ბეირუთში გადაიყვანეს (ლივანი). ამ დროს სხვადასხვა ჟურნალში დაიბეჭდა მისი პირველი, რამდენიმე სტატია.
ამერიკაში დაბრუნების შემდეგ (1957-1958 წ) ბლეტმა სამხრეთ კალიფორნიის უნივერსტიტეტში დაიწყო მუშაობა.
1959 წელს გამოაქვეყნა თავისი პირველი წიგნი – ,,Which Way to Mecca, Jack?“. ერთი წლით ადრე ითამაშა როლი ფილმში ,,No Place to Land“. ამით დაიწყო მისი ურთიერთობა დიდ კინომატოგრაფიასთან. ბლეტი სცენარს წერდა კომედიური ფილმებისთვის – ,,A Shot in the Dark“, ,,What Did You Do in the War, Daddy?“ და სხვა.
დროთა განმავლობაში კომედიურმა ფილმებმა პოპულარობა დაკარგეს. უილიამმა სამუშაო დაკარგა. ტბასთან სახლი იქირავა და წიგნის წერა დაიწყო. ის ისტორია, რომლის შესახებაც უილიამი წერდა, მისთვის ჯერ კიდევ 1940 წლის ბოლოსთვის გახდა ცნობილი. მაშინ, ჯორჯთაუნის უნივერსტიტეტში სწავლის დროს, პირველად გაიგო ეშმაკის განდევნის შესახებ. ორმა იეზუიტმა მღვდელმა, 14 – ტი წლის ბავშვის სხეულიდან ეშმაკი გააძევეს. ეს მოხდა მერილნედის შტატში, ქალაქ მაუნტ რაინერში. ლოცვების კითხვის დროს ბავშვი ლათინურ ენაზე ლაპარაკობდა და ილანძღებოდა. საწოლი ჰაერში აიწია და ოთახში გადაადგილდებოდა. ამ შემთხვევის შესახებ გაზეთ ,,Washington Post” – შიც დაიწერა სტატია. 1949 წელს ეს ბავშვი რეაბილიტაციისა და უცნაური შემხვევების ამოსახსნელად, ჯორჯთაუნის უნივერსტიტეტის ჰოსპიტალში გადაიყვანეს.
უმუშევარ მწერალს ცხოვრებისთვის ფული სჭირდებოდა. ამაზე ბლეტიმ თქვა, რომ 10000 – სი დოლარი ტელეშოუში მოიგო და ამის საშუალებით უმუშევრობის დროს თავი გაჰქონდა. სხვა ინტერვიუში განაცხადა, რომ ფული გამომცემლობა ,,Bantan Books” – მა გადაუხადა.
ცხრა თვიანი მძიმე სამუშაოს შემდეგ (დღეში 14-18 საათი), გამომცემლობა ,,Harper & Row” , რომელსაც ,,Bantan Books” – მა პუბლიკაციის უფლება მიჰყიდა, ბლეტის წიგნი 200000 – ნი ტირაჟით გამოსცა. ,,დემონის გამაძევებელი“ (ეგზორცისტი) ბესთსელერი გახდა. ამის შემდეგ წიგნი კიდევ ერთხელ გამოიცა. ამჯერად 350000 ეგზემპლარი დაიბეჭდა. აუცილებლად უნდა ითქვას, რომ ჩვენს მიერ დაწერილი ციფრები მხოლოდ ბლეტის წიგნის იმ ეგზემპლარებს ეხებოდა, რომელიც მაღალი ხარისხის იყო – წელიწად ნახევარში 4000000 დაბალი ხარისხის ეგზემპლარი დაიბეჭდა.
1973 წელს ეგზორცისტის ეკრანიზაციაც გადაიღაეს, რომელმაც ნამდვილად გაამართლა მოლოდინი.
ამის შემდეგ ბლეტი წერს რომანებს, რომლებშიც დემონები ადამიანთა ფსიქიკაზე მოქმედებენ. მწერლის თქმით პირადად მას ასეთი სახის ლიტერატურა არ უყვარს და ამ ჟანრში არაფერი არ აქვს წაკითხული.
ბლეტი ცხოვრობს მონტესიტოში. ჰყავს ცოლი და შვიდი შვილი.
