დანიელ პენაკი — ფრანგი მწერალი, ნოველისტი 2007 წელს მიიღო ფრანგული ლიტერატურული პრემია Prix Renaudot ესესთვის „სკოლის სევდა“ (Chagrin d'école). გამოცემული აქვს 30-მდე წიგნი, რომელთა შორისაა ესეები და კომიკური ჟანრის ნაწარმოებები ბავშვებისთვის და მოზრდილებისთვის. მისი წიგნები თარგმნილია მსოფლიოს 30-ზე მეტ ენაზე. ბევრი მათგანი ბესტსელერი გახდა ევროპის მასშტაბით. დანილეპ პენაკი 1944 წლის 1 დეკემბერსმაროკოში, კასაბლანკაში დაიბადა. მას შემდეგ რაც მამა სამხედრო გახდა, ოჯახი ხშირად მოგზაურობდა. ამის გამო პენაკს მოუწია ცხოვრება ევროპაში, სამხრეთ-აღმოსავლეთ აზიასა და აფრიკაში. ვიდრე მწერალი გახდებოდა, პენაკი მუშაობდა ტყისმჭრელად, ტაქსის მძღოლად, ილუსტრატორად, შემდეგ კი ნიცის საშუალო სკოლაში მასწავლებლობა დაიწყო. მისი პირველი საბავშვო წიგნი „დიდი მეფე“ Le grand rex 1980 წელს გამოქვეყნდა. 1982 წელს დაწერა წიგნი „ძაღლი“, რომელიც საკუთარ ძაღლს მიუძღვნა. "მე და ჩემი ძაღლი ერთ დღეს დავიბადეთ, ჩვენ ერთად გავიზარდეთ", თქვა პენაკმა. პენაკის პირველი წიგნი, რომელიც ინგლისურად ითარგმნა იყო „მგლის თვალი“. მოთხრობა ცალთვალა მგლის, ალესკენის ამბავს მოგვითხრობს, რომელიც გალიაშია გამომწყვდეული და დროს წინ და უკან სიარულში ატარებს იქამდე, სანამ მოულოდნელად არ შეამჩნევს, რომ მას პატარა ბიჭი აკვირდება. ყოველდღე ბიჭი მიდის მგლის გალიასთან. მგელი აშტერდება თვალებში, ბიჭი კი მას ცალთვალში უყურებს. ბოლოს ბიჭი და მგელი ერთმანეთისთვის საკუთარი ფიქრების გადაცემას ახერხებენ. ბიჭმა გაიგო, როგორ მგელი წამოიყვანეს ათი წლის წინ ალასკიდან და დაატარებდნენ სხვადასხვა ზოოპარკსა და გალიაში. მგელი კი მიხვდა, რომ ბიჭი ობოლი იყო და განსაკუთრებული გრძნობა ჰქონდა ცხოველების მიმართ, რადგან ბიჭიც წამოეყვანათ აფრიკიდან, საკუთარი სახლიდან. პენაკმა პატარა მკითხველებისთვის წერა შემდეგაც განაგრძო და 1985 წელს „მალუსენეს საგა“ გამოსცა. 1992 წელს დაიბეჭდა მისი ესე „რომანივით საკითხავი“, რომელიც მკითხველებსა და კითხვის წესს ეხება, აქვე ჩამოაყალიბა მკითხველის 10 უფლება. პენაკის ბოლო ნაწარმოები „სკოლის სევდა“ 2010 წელს გამოიცა. როგორც მწერალი ამბობს, ეს წიგნი სკოლის შესახებ კი არა, გონებაჩლუნგ ადამიანებზეა, „იმ ზიანზე, რაც სუსტმა აზროვნებამ შეიძლება მოგვიტანოს“