ნიკოლო ამანიტი რომში დაიბადა და დღემდე აქ ცხოვრობს. იგი ერთ-ერთი ყველაზე პოპულარული თანამედროვე იტალიელი ავტორია. მისი წიგნები 50-მდე ქვეყანაშია გამოცემული და მისი ნაწარმოებების მიხედვით ფილმები გადაუღიათ ისეთ რეჟისორებს, როგორებიც არიან ბერნარდო ბერტოლუჩი და გაბრიელე სალვატორესი. მიღებული აქვს არაერთი ლიტერატურული პრემია. ბოლო წლებში ჩართულია კინო- და ტელეგადაღებაში, რასაც წერასთან ერთად მნიშვნელოვან დროს ახმარს.