კრებული ქართული პოეზიის იმ ნიმუშებს აერთიანებს, რომლებიც აფხაზეთისადმია მიძღვნილი. მასში თავმოყრილია სხვადასხვა ეპოქის, თაობისა და შემოქმედებითი ხედვის პოეტების შემოქმედება. წიგნის კონცეფცია განისაზღვრება ერთი საერთო იდეით – წარმოაჩინოს აფხაზეთი, როგორც ქართული პოეტური ცნობიერების მნიშვნელოვანი სახე-სიმბოლო.

წიგნი ორენოვანია, ქართული ლექსები აფხაზური თარგმანების პარალელურად იბეჭდება, რაც განსაკუთრებულ მნიშვნელობას იძენს დღეს, როდესაც ორ ხალხს შორის ცოცხალი კულტურული დიალოგი ყველაზე მეტად საჭიროა.