კრებულში მოცემული ტესტური შეკითხვები საფუძველს შეგიქმნით, განსაზღვროთ მოსწავლის წერა-კითხვის ისეთი უნარები, როგორებიცაა: ინფორმაციის პოვნა, ტექსტის ცალკეულ მონაკვეთებში მიზეზ-შედეგობრივი კავშირების დანახვა, დასკვნის გამოტანა, აზრის მწყობრად ჩამოყალიბება, არგუმენტის მოშველიება და სათანადო ლექსიკის გამოყენება. კრებულში წარმოდგენილი მასალა ასევე განკუთვნილია კითხვისა და წერის უნარების ჩამოყალიბებისთვის და მოიცავს როგორც მხატვრულ, ისე საინფორმაციო ხასიათის ტექსტებს. მოსწავლისთვის უკეთ გასაგებად ამ რესურსს „ნამდვილი და მოგონილი ამბები“ ვუწოდეთ.