„რატომ უნდა ვილაპარაკოთ საბჭოთა კავშირზე? რატომ უნდა ვიცოდეთ მასზე უფრო მეტი, ვიდრე ამას სასკოლო სახელმძღვანელოებში ასწავლიან? რას მოგვცემს წარსულის ქექვა, თანაც, თუკი ის არცთუ ისე სახარბიელოა? საქმე ისაა, რომ საბჭოთა წარსული თავს არ გვანებებს და ახლაც სხვადასხვა ფორმითა თუ ნიღბით გვხვდება ყოველდღიურ ცხოვრებაში. საბჭოთა ღირებულებები, წარმოდგენები, დამოკიდებულებები ჯერ კიდევ ცოცხლობს ჩვენში. „დაუსრულებელი საბჭოთა კავშირი“ არის უახლესი ისტორიის ამ მონაკვეთის გააზრების მცდელობა, მცდელობა, რომ საბჭოთა წარსულს ერთხელ და სამუდამოდ ვუთხრათ „მეტი აღარასოდეს“!"