ცნობილი ბერძენი მწერლის - დიმიტრის დიმიტრიადისის საკულტო ტექსტი „ვკვდები როგორც ქვეყანა“, რომელიც ათწლეულებია ევროპული ლიტერატურული პროცესის განუყოფელი ნაწილია, ქართულ ენაზე ხელახლა გამოიცა. 

გარდა ამ უმნიშვნელოვანესი ტექსტისა, კრებულში წარმოდგენილია დიმიტრის დიმიტრიადისის ორი ესსე - „ჩვენ და ბერძნები“ და „ზიზღი“. ესაა მძაფრი, დაუნდობელი და უკომპრომისო ლიტერატურა, რომელიც ზედმიწევნითი სიზუსტით აღწერს მომაკვდინებელ ისტორიულ კრიზისს, რომელმაც მთელი ერი სიკვდილამდე შეიძლება მიიყვანოს.