სალომე გოგიშვილის სადებიუტო რომანი „ვარდისფერი პერვერსია“ ის იშვიათი წიგნია, რომელსაც იწყებ და ძალიან სწრაფად აღმოაჩენ, რომ უკვე ბოლო გვერდებზე ხარ. ეს არის ტექსტი, რომელიც ერთ ამოსუნთქვაში გადაგიყვანს სრულიად განსხვავებულ სამყაროში სამყაროში, სადაც იუმორი, სარკაზმი და ადამიანის შინაგანი ლაბირინთები ერთმანეთში ძალიან ბუნებრივად ერწყმის. წიგნში სწორედ იუმორის, სარკაზმისა და ფსიქოლოგიური სიღრმის კომბინაცია ქმნის განსაკუთრებულ ატმოსფეროს. ტექსტი ერთდროულად მსუბუქიც არის და დამაფიქრებელიც ისეთია, რომელიც კითხვისას გართობს, მაგრამ ამავე დროს ბევრ ფიქრსაც გიტოვებს. წიგნი, რომელიც უბრალოდ არ იკითხება — ის გარკვეული დროით მთლიანად გითრევს თავის სამყაროში. და როცა ბოლო გვერდს დახურავ, კიდევ დიდხანს რჩები იმავე განწყობასა და ფიქრებში.

არ მეგონა ქართულ ენაზე თუ წავიკითხავდი ლამაზად მოთხრობილ ეროტიულ სცენებს. ტექსტი თამამია, მაგრამ არ გადადის საზღვარს.

ძალიან კარგი აღმოჩენა არის გემოვნებიანი მკითხველისთვის, მათთვის, ვისაც დაგემოვნებული აქვთ კლასიკური ლიტერატურა, ფილოსოფია და ფსიქოლოგია. ავთენტურია. ძალიან მომწონს ავტორისეული განმარტებები და წიაღსვლები. ვფიქრობ, რომ ერთნაირად საინტერესო წასაკითხი იქნება ყველა თაობისა თუ გემოვნების, ხედვის ადამიანისთვის. ვიღაც მეტ რამეს აიღებს, ვიღაც ნაკლებს, თუმცა, საუბრით ყველა ისაუბრებს.