ოდისევსი ჩვიდმეტი წლის წინ წავიდა ტროაში საომრად და თან წაიყვანა კუნძულ ითაკის ყველა ბრძოლისუნარიანი მამაკაცი. შინ არავინ დაბრუნებულა და სამეფოს მართვა ქალებმა იკისრეს. სასახლეში პენელოპეს თავხედი საქმროები გაუთავებლად ნადიმობენ და ოდისევსის ქონებას ანადგურებენ. არც ერთი მათგანი არ არის ოდისევსის სწორი, რომ მის ტახტს დაეპატრონოს, მაგრამ მაინც იცდიან, იცდიან… ელოდებიან ქალის არჩევანს… სწორედ მარტოდ დარჩენილი ქალებისა და მათი სათაყვანო ღმერთქალების არჩევანი შეცვლის ამ კუნძულზე მოვლენათა მსვლელობას.