ექიმ თამარ მამაცაშვილის საავტორო წიგნი „კარაბადინი“ ორი ათეული წლის განმავლობაში გამოიცემოდა სხვადასხვა ფორმატით და დღეისთვის მისადმი ინტერესი ისევ საკმაოდ დიდია. ამ ოცი წლის განმავლობაში მივიღეთ უამრავი ადამიანის გამოხმაურება, მადლიერების არაერთი გზავნილი - ეს კი იმაზე მეტყველებს, რომ წიგნის შინაარსმა გაამართლა მკითხველის იმედი, ხალხური მედიცინის მოყვარულებმა სამაგიდო წიგნად აქციეს „კარაბადინი“. თქვენ წინაშეა მკითხველის საყვარელი წიგნი, უცვლელი შინაარსით, მაგრამ განახლებული დიზაინით, სამ წიგნად.