ლამის მითურ გმირებად ქცეული დეტექტივი შერლოკ ჰოლმსი და ექიმი უოტსონი, XIX საუკუნის დასასრულიდან მოყოლებული, დღესაც აცვიფრებენ მკითხველს. ინგლისელ მწერალს ართურ კონან დოილს ექიმ უოტსონის პროტოტიპადაც მიიჩნევდნენ და ნამდვილ შერლოკ ჰოლმსადაც. მწერალსა და მის უჩვეულო გმირებს იშვიათი ინტელექტი, უტყუარი ალღო და ფსიქოლოგიური ანალიზის ის განსაცვიფრებელი უნარი აერთიანებთ, რომელთა მკითხველამდე მიტანამ ართურ კონან დოილი მსოფლიო დეტექტივების კლასიკოსად აქცია.