ჯოან დიდიონის ეს პატარა რომანი გვიანდელი 60-იანი წლების ამერიკული ცხოვრების წესს აშიშვლებს და მთელი თაობის განწყობას წარმოგვიდგენს: საზოგადოება გაბეზრებულია,მოწყენილია, იმედგაცრუებულია, რაზეც ავტორი მკითხველს დაუნდობლად მოუთხრობს.„თამაში გრძელდება“ – მერაია უაიეთი განქორწინებული და მეგობრებისგან იზოლირებული ახალგაზრდა ქალია, რომელიც სრულიად დაცლილია სურვილებისა და მოტივაციისგან. იგი იმ თაობის ტიპური განსახიერებაა, რომელიც ჭარბმა თავისუფლებამ დააავადა და ემოციებისგან განძარცვა.