წამი, რომელიც სიცოცხლეზე მეტია. როცა გინდა იყვირო, იხტუნო, იცინო, იტირო. ფინალის წინ სკოლარიმ ფეხბურთელები შეკრიბა, ტელევიზორი ჩართო. იქ გადიოდა „ტვ გლობოს“ ჩანაწერი ნაკრების თითოეული ფეხბურთელის ბავშვობის ფოტოებით. ბოლო კადრი რონალდოს მშობლიური ბენტუ რიბეიროდან იყო, სადაც პირველად ეზიარა ბურთს, სადაც კედლებზე ზიკოს ხატავდა და საიდანაც მხოლოდ დედის გამწარებული თხოვნა თუ მიიყვანდა სახლში. ამ დროს დაინახა თავისი ფრესკა. პატარა ბავშვები ზუსტად ბენტუ რიბეიროს იმ ნაცნობ კედელთან ხატავდნენ.