ადვოკატი, შეერთებული შტატების 44-ე პრეზიდენტის ბარაკ ობამას მეუღლე, აშშ-ის 46-ე პირველი ლედი 2009-2017 წლებში. მიშელ ობამა დაიბადა და გაიზარდა ჩიკაგოს სამხრეთ ნაწილში. საშუალო სკოლის დამთავრების შემდეგ განათლება პრინსტონის უნივერსიტეტსა და ჰარვარდის იურიდიულ სკოლაში მიიღო, რის შემდეგაც დაბრუნდა ჩიკაგოში და მუშაობა დაიწყო ჯერ იურიდიულ ფირმაში, შემდეგ კი ჩიკაგოს მერიაში. მიშელის ძმა —კრეიგ რობინსონი არის ორეგონის უნივერსიტეტის კალათბურთის გუნდის მწვრთნელი. ბარაკ ობამას გაეცნო „სიდნეი ოსტინში“ მუშაობისას. ამერიკულმა პრესამ მიშელ ობამა ჟაკლინ კენედის შეადარა. მიშელ ობამა არის აშშ-ის ისტორიაში პირველი ფერადკანიანი პირველი ლედი.