უმცროს ძმას ერთი ნახვით შეუყვარდება წითურთმიანი მზის ასული, მაგრამ ამ სიყვარულში მას ხელმწიფე ეცილება. ვაჟის მოგზაურება მაშინ იწყება, როცა ხელმწიფე მას ურთულეს დავალებებს მისცემს. თავისი დიდი სიყვარული რომ გადაარჩინოს, ხელმწიფის დავალებების შესასრულებლად ვაჟი მიდის იქ, საიდანაც თავისი ფეხით ამქვეყნად არავინ დაბრუნებულა. გზად ვაჟს უამრავი ფათერაკი გადახდება თავს, მაგრამ სიყვარული ყოველთვის იმარჯვებს.

ზღაპარს თან ახლავს ახალგაზრდა ქართველი მხატვრის სალომე ჯოხაძის ილუსტრაციები.

ქართული ხალხური ზღაპრების მოყვარულებს აუცილებლად დააინტერესებთ „მზის ასულის“ ეს ახლებური გამოცემა.