''რომეო და ჯულიეტა 20 წლის შემდეგ''

ვალენტინობასთან დაკავშირებით "ბიბლუსი" აცხადებს კონკურსს - „რომეო და ჯულიეტა 20 წლის შემდეგ“.

გიწვევთ, რომ შექსპირის ერთ-ერთი ყველაზე ცნობილი სიყვარულის ისტორიის გაგრძელება საკუთარი ხედვით შექმნათ.

რა მოხდებოდა, რომეოსა და ჯულიეტას ის ფატალური გადაწყვეტილება რომ არ მიეღოთ?

როგორი იქნებოდა მათი ცხოვრება ოცი წლის შემდეგ - სხვა ეპოქაში, სხვა ქალაქში, სხვა რეალობაში?

კონკურსის მონაწილეებმა უნდა წარმოიდგინონ რომეო და ჯულიეტა 36 წლის ასაკში - ხოლო დრო, სივრცე, ჟანრი და სიუჟეტის განვითარება სრულად თქვენს ფანტაზიაზეა დამოკიდებული.

ვის შეუძლია მონაწილეობა?

• საქართველოს მოქალაქეებს, 16+ ასაკიდან, რომლებიც ცხოვრობენ საქართველოს ტერიტორიაზე
• საკონკურსო ნამუშევარი უნდა იყოს მაქსიმუმ 3000 სიტყვა
• ნაშრომი უნდა გამოიგზავნოს ელფოსტაზე: marketing@biblusi.ge

ვადები:

• კონკურსი დასრულდება 2026 წლის 5 თებერვალს
• გამარჯვებული გამოვლინდება 14 თებერვალს

პრიზები:

• გამარჯვებული მიიღებს „ბიბლუსის“ 1,000-ლარიან სასაჩუქრე ვაუჩერს
• საუკეთესო ნამუშევრები დაიბეჭდება
• დამატებით გამოვლინდება ფავორიტი მონაწილეები

ნამუშევრებს შეაფასებს კომპეტენტური ჟიური, რომელიც ყურადღებას გაამახვილებს ტექსტის ორიგინალურობაზე, კრეატიულობაზე, ხარისხსა და ემოციურ გავლენაზე.

დაწერე სიყვარულის ისტორია, რომელიც დროის საზღვრებს სცდება.

საკონკურსო განცხადება

1.     კონკურსის ზოგადი დებულებები

1.1. აღნიშნული დოკუმენტი წარმოადგენს შპს „ბიბლუსის“ კონკურსის ოფიციალურ საკონკურსო განცხადებას.

1.2. კონკურსს ორგანიზებას უწევს შპს „ბიბლუსი“ (შემდგომში "ორგანიზატორი"), რომელიც ფლობს და მართავს ყველა დაკავშირებულ პროცესს.

1.3. კონკურსი ტარდება საქართველოს ტერიტორიაზე და მისი ჩატარების თარიღები განისაზღვრება ორგანიზატორის მიერ.

2.     კონკურსში მონაწილეობის პირობები

2.1. კონკურსში მონაწილეობის მიღება შეუძლიათ საქართველოს (16+ წლის) მოქალაქეებს, რომლებიც ცხოვრობენ საქართველოს ტერიტორიაზე.

2.2. კონკურსანტი ვალდებულია დაიცვას მესამე პირის საავტორო უფლებები და სხვა სამართლებრივი ნორმები.

3.     საკონკურსო ნამუშევრების წარდგენის პირობები

3.1. კონკურსში მონაწილეობის მისაღებად კონკურსანტმა უნდა შექმნას მაქსიმუმ 3,000-სიტყვიანი ტექსტი - „რომეო და ჯულიეტა 20 წლის შემდეგ“.

3.2. მონაწილეები არ არიან შეზღუდულები ტექსტის შინაარსში (ჟანრი, ადგილმდებარეობა, გარემოება და ა.შ. შეუძლიათ სურვილის მიხედვით შეცვალონ).

3.3. კონკურსანტმა ნამუშევარი უნდა გამოაგზავნოს მეილზე: marketing@biblusi.ge

3.5. ნამუშევარი ავტომატურად გამოეთიშება კონკურსს, თუ მასში იქნება ნებისმიერი სახის დისკრიმინაციული და შეურაცხმყოფელი აქცენტები/შინაარსი.

3.6. ნამუშევარი ავტომატურად გამოეთიშება კონკურსს, თუ ტექსტი ხელოვნური ინტელექტის დაგენერირებული იქნება.

4.     საკონკურსო ნამუშევრების შერჩევის პირობები

4.1. კონკურსი დაიწყება 2026 წლის 16 იანვარს და დასრულდება  5 თებერვალს, ხოლო გამარჯვებულების გამოვლენა მოხდება 2026 წლის 14 თებერვალს, კონკურსისთვის გამართულ დაჯილდოების ღონისძიებაზე;

4.2. კონკურსის გამარჯვებულებს გამოვლინს კვალიფიციური ჟიური.

4.4. „ბიბლუსის“ ჟიურის შეფასების ძირითადი კრიტერიუმებია:

• საკონკურსო ნამუშევრის შინაარსის შესაბამისობა;
• კრეატიულობა და ორიგინალურობა;
• ხარისხი;
• ნამუშევრის ემოციური და შთამაგონებელი ეფექტი.

4.5. კონკურსში გამარჯვებული ერთი მონაწილე მიიღებს „ბიბლუსის“ 1,000-ლარიან სასაჩუქრე ვაუჩერს, ხოლო საუკეთესო ნამუშევრები დაიბეჭდება.

4.6. გამარჯვებულებთან ერთად გამოვლინდება კონკურსის ფავორიტი მონაწილეები.

4.7. „ბიბლუსი“ უფლებას იტოვებს, გამარჯვებულთა რაოდენობა შეცვალოს, თუ საკონკურსო ნამუშევრები არ დააკმაყოფილებს მოთხოვნებს.

5.     საავტორო უფლებები და ორგანიზატორის უფლებები

5.1. კონკურსში მონაწილეობის მიღებით, კონკურსანტი ორგანიზატორს გადასცემს უვადო, უპირობო, შეუზღუდავ უფლებას გამოიყენოს და გაავრცელოს კონკურსანტის ნამუშევარი ნებისმიერი ფორმით, კომერციული ან/და სარეკლამო მიზნებისთვის.

5.2. „ბიბლუსი“ არ იღებს პასუხისმგებლობას მესამე პირის მიერ ნამუშევრის უკანონოდ გამოყენებაზე.

5.3. კონკურსანტი ვალდებულია, არ გამოიყენოს კონკურსთან დაკავშირებული მასალები „ბიბლუსის“ რეპუტაციის შელახვის ან არაკეთილსინდისიერი მიზნებისთვის.

6. დამატებითი დებულებები

6.1. შპს „ბიბლუსს“ უფლება აქვს ნებისმიერ დროს შეცვალოს კონკურსის პირობები, იმგვარად, რომ ზიანი არ მოუტანოს კონკურსის მონაწილეებს და ამის შესახებ ინფორმაცია კონკურსანტებს მიაწოდოს კომპანიის ვებგვერდის (https://biblusi.ge/) საშუალებით.

6.2. კონკურსში მონაწილეობის მიღება გულისხმობს აღნიშნული წესებისა და პირობების გაცნობას, მათზე თანხმობას და მათ სრულ და უპირობო დაცვას.

6.3. ყველა საკითხზე, რომელიც არ არის მოცემული აღნიშნულ დოკუმენტში, გადაწყვეტილებას იღებს შპს „ბიბლუსი“.

7. საკონტაქტო ინფორმაცია

კონკურსთან დაკავშირებული ნებისმიერი შეკითხვის შემთხვევაში, კონკურსანტი უნდა დაუკავშირდეს ორგანიზატორს მეილის საშუალებით: marketing@biblusi.ge