20%-იანი ქეშბექი „თიბისის“ მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე!

7 თებერვლიდან კომპანია „ბიბლუსისა“ და „თიბისის“ ერთობლივი ქეშბექ კამპანია იწყება: 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე 18-დან 23 წლის ჩათვლით სტუდენტებისთვის „ბიბლუსის“ სრულ ასორტიმენტზე. კამპანია 6 თვის განმავლობაში გაგრძელდება და „ბიბლუსის“ ყველა ფიზიკურ მაღაზიაში იქნება ხელმისაწვდომი. საყურადღებოა, რომ „თიბისის“ კამპანიას სხვა ქართული ბრენდებიც შეუერთდნენ, შესაბამისად, მომხმარებელი შეძლებს, ყველა ბრენდის ჭრილში ჯამურად მაქსიმუმ 50 ლარის ოდენობის ქეშბექის დაბრუნებას თვის განმავლობაში.

შეთავაზება „ბიბლუსის“ სრულ ასორტიმენტზე გავრცელდება:

•         წიგნები;
•         საკანცელარიო პროდუქცია;
•         ელექტრო ტექნიკა;
•        კრაფტი;
•        პრემიუმ კლასის პროდუქცია და ა.შ.

„ბიბლუსისთვის“ სტუდენტები და მოსწავლეები ცნობისმოყვარეობის და პერსონალური ზრდის წყაროს წარმოადგენენ, ამიტომ კომპანია მუდმივად ცდილობს, ხელი შეუწყოს ზოგადი განათლების გაღრმავებას, წარმოსახვის გაფართოებას და ცნობიერების ამაღლებას პიროვნული განვითარებისთვის. შესაბამისად, „ბიბლუსი“ მათ სთავაზობს სწავლისათვის აუცილებელ ყველა ნივთს და ისეთ ლიტერატურას, რომელიც ავითარებს კრიტიკულ აზროვნებას და ამარტივებს სამყაროს აღქმას.

მომხმარებელმა უნდა გაითვალისწინოს, რომ:

•        შეთავაზებით სარგებლობა შეუძლიათ მოსწავლის ბარათის ან ახალი თიბისი ბარათის 18-23 წლის მფლობელებს;
•        შეთავაზება აქტიური იქნება ბიბლუსის მხოლოდ ფიზიკურ მაღაზიებში;
•        შეთავაზება არ გავრცელდება პროდუქციის ვაუჩერით შეძენის შემთხვევაში;
•        ქეშბექ ქულები დაირიცხება ერთგულ ყულაბაში მომენტალურად, ხოლო მოსწავლის ბარათის შემთხვევაში, საბარათე ანგარიშზე;

აქციის ფარგლებში შეძენილი პროდუქცია არ დაექვემდებარება დაბრუნებას (გამონაკლისის შემთხვევაში, დარიცხული ქეშბექ ქულები მომხმარებელს ჩამოეჭრება).