ავტორის შესახებ
ქართველი საბავშვო პოეტი და მწერალი.2010 წლიდან ეწევა აქტიურ სალიტერატურო საქმიანობას. გამოცემული აქვს საბავშვო წიგნები პოეზიის, პროზის, შემეცნებით-განმავითარებელი მიმართულებით. მისი ლექსები შესულია სასკოლო სახელმძღვანელოებში, ლიტერატურულ კრებულებში, საბავშვო და ლიტერატურულ პერიოდულ გამოცემებში. არის საბავშვო წიგნის II ფესტივალის ლაურეატი (2011, საბავშვო პოეზია). დაჯილდოებულია იაკობ გოგებაშვილის სახელობის საბავშვო და საყმაწვილო ლიტერატურული პრემიით (2018 — საბავშვო პოეზია; 2020 — საბავშვო პროზა) და საბავშვო ლიტერატურული პრემიით „ნაკადული“ (2021 — საბავშვო პოეზია).
