ავტორის შესახებ
ესპანელი (კატალონიელი) მწერალი.
მისი ლიტერატურული მოღვაწეობა 1993 წელს დაიწყო თინეიჯერებისთვის განკუთვნილი მისტიკური წიგნების სერიით — „ნისლის თავადი“ (El príncipe de la niebla), „შუაღამის სასახლე“ (El palacio de la medianoche), „სექტემბრის შუქები“ (Las luces detie sepmbre) (მოგვიანებით გაერთიანდა „ნისლის ტრილოგიაში“) და „მარინა“ (Marina). 1994 წელს იგი საცხოვრებლად შეერთებულ შტატებში გადავიდა და ლოს-ანჯელესში დასახლდა, სადაც სცენარისტად დაიწყო მუშაობა.
2001 წელს მან დაწერა თავისი პირველი „ზრდასრული“ რომანი — „ქარის ჩრდილი“ (La sombra del viento), რომელიც მოგვიანებით ითარგმნა 30-ზე მეტ ენაზე და გამოიცა მსოფლიოს 40-ზე მეტ ქვეყანაში, რომელთა ტირაჟი 10 მილიონ ეგზემპლარს შეადგენს.
„ქარის ჩრდილის“ შემდეგ, 2008 წელს კარლოსმა დაწერა „ანგელოზთა თამაშები“ (El juego del ángel), რომელიც ბარსელონაში მდებარე გამომცემლობა Planeta-მ გამოაქვეყნა. წიგნის მილიონობით ეგზემპლარი გაიყიდა. საფონის ბოლო რომანი, „ცის ტუსაღი“ (El prisionero del cielo) 2011 წელს გამოვიდა და ლათინურ ამერიკაში წლის ერთ-ერთი ყველაზე გაყიდვადი წიგნი გახდა.
