ავტორის შესახებ
რევაზ-გიორგი არველაძის პროფესიული ბიოგრაფია რეჟისურასა და ვიდეომემონტაჟის საქმიანობას მოიცავს, თუმცა ამჯერად ქართულ საზოგადოებას მას წარვუდგენთ როგორც მწერალს - რეზი ქართულ მითოლოგიაზე შექმნილი მოთხრობების კრებულის ავტორია.
რევაზ-გიორგი არველაძე 1996 წლის 23 ნოემბერს თურქეთში (ტრაპზონში) დაიბადა. მამის, არჩილ არველაძის საფეხბურთო კარიერის გამო პირველი ექვსი წელი სამშობლოში არ უცხოვრია - თურქეთის შემდეგ იყო ნიდერლანდი (ბრედა), მერე გერმანია (კიოლნი).
ახალგაზრდა მწერალმა მოთხრობები ინგლისურ ენაზე დაწერა და წიგნადაც ამერიკაში გამოსცა. ამ მოთხრობებს ჩემს ქვეყანას ვუძღვნი, ამასთან, პატივს მივაგებ ჩემს ერთ-ერთ უსაყვარლეს საშინელებათა ჟანრს, განსაკუთრებით - მის მითოლოგიურ მიმართულებასო, წერს წიგნის შესავალში, ჩვენთან საუბარში კი განმარტავს, რომ წიგნის შექმნის მთავარი მიზანი ჩვენი კულტურის, ადათ-წესების, მითოლოგიისა და თქმულებების უცხოელებისთვის გაცნობა იყოო.
