ავტორის შესახებ
ვიქტორიანული ეპოქის რომანისტი ქალი. ერთი წლის ასაკში დედა გარდაეცვალა და დეიდამ აიღო მისი აღზრდის პასუხისმგებლობა.
1831 წელს ელიზაბეთმა გაიცნო მომავალი მეუღლე - უილიამ გასკელი. დაქორწინების შემდეგ ისინი მანჩესტერში დასახლდნენ. ეყოლათ ოთხი ქალიშვილი და ერთი ვაჟი.
გასკელმა წერა მას შემდეგ დაიწყო, რაც ერთადერთი ვაჟი სკარლატინით გარდაეცვალა. ამ ავადმყოფობის მიმართ შიში, მის რომანებშიც იგრძნობა.
გასკელის რომანები გამოირჩევა მორალით, იუმორით, გამჭრიახობით და ხასიათის დიდებული აღწერით. მისი რომანები წინ სწევდნენ ისეთ მნიშვნელოვან საკითხებს, როგორიცაა ინდუსტრიალური რევოლუცია და ვიქტორიანული ხანის სხვა პოლიტიკური საკითხები.
რომანში "ჩრდილოეთი და სამხრეთი" ასახულია სოციალური პირობები ადრეულ ვიქტორიანულ ინგლისში. ძირითადად აღწერილია მუშათა კლასის ცხოვრება დიდ ინდუსტრიალურ ქალაქებში. საუბარია იმ წლების სამრეწველო რევოლუციაზე, რომელიც გარკვეულ გავლენას ახდენს ცალკეული ადამიანების ბედზე. რომანში ფსიქოლოგიური სიზუსტით არიან აღწერილი პერსონაჟები.
ელიზაბეთ გასკელი ინგლისურ ლიტერატურაში შევიდა როგორც ბიოგრაფიც, მან დაწერა "ცხოვრება შარლოტა ბრონტესი".
კარლ მარქსმა ელიზაბეთ გასკელი დააყენა ჩარლზ დიკენსისა და შარლოტა ბრონტეს გვერდით - " დიდებული პლიადა ინგლისელი რომანისტებისა".
ელიზაბეთ გასკელი გარდაიცვალა 1865 წელს, ჰემპშირის საგრაფოში. მან უკანასკნელი რომანის- "ცოლები და ქალიშვილები" დასრულება ვერ მოასწრო.
