ავტორის შესახებ
თანამედროვე მსოფლიო ლიტერატურაში ალბათ ყველაზე გავლენიანი მწერალია. მისი გვარი ხშირად კრთება ხოლმე სრულიად განსხვავებულ ავტორებზე მსჯელობისას. XXI საუკუნის ლიტერატურა ზებალდის წიგნებით დაიწყო - ამას ყველაზე ჭირვეული ინტელექტუალებიც ერთხმად აღიარებენ. 2001 წელს გარდაცვლილმა მწერალმა სულ ოთხი მხატვრული ნაწარმოების შექმნა მოასწრო. „ემიგრანტები“ მათ შორის ყველაზე სულისშემძვრელია. სწორედ ამიტომ გვინდოდა, ქართველ მკითხველს ამ დიდი გერმანელის შემოქმედების გაცნობა „ემიგრანტებით“ დაეწყო. წიგნის მთარგმნელი მაია ბადრიძეა. მის მიერ გადმოქართულებულ მუზილისა და ბროხის წიგნებს კიდევ ერთი, ამჯერად თანამედროვე კლასიკოსის, შედევრი შეემატა.
