ავტორის შესახებ
ინგლისელი პროზაიკოსი და პოეტი. იგი დაიბადა 1820 წელს თორნტონში (იორკშირი), მღდვლის სახლში. დებ ბრონტეებს შორის ყველაზე უმცროსი.
ენ ბრონტე ღარიბი ირლანდიელი მღვდლის, პატრიკ ბრონტეს, ქალიშვილი იყო. მან ცხოვრების დიდი ნაწილი შინ, თავის ოჯახთან ერთად გაატარა ჰოუორთში. 1836-37 წლებში ქალთა სკოლაში დადიოდა, ხოლო 1839-45 წწ. გუვერნანტად მუშაობდა. 1846 წელს მან, უფროს დებთან ერთად, გამოაქვეყნა პოემების ერთობლივი კრებული, სადაც ის ფსევდონიმით Acton Bell იყო მოხსენიებული. მისი პირველი რომანი „აგნეს გრეი“ „ქარიშხლიან უღელტეხილთან“ ერთად 1847 წელს დაიბეჭდა. მისი რიგით მეორე რომანი „მდგმურად უაილდფელ-ჰოლში“ 1848 წელს გამოიცა და ერთ-ერთ პირველ მკაფიოდ ფემინისტურ რომანად მიიჩნევა.
