გაიცანით სტივენ ედვინ კინგი ( 21 სექტემბერი, 1947წ.) — ამერიკელი მწერალი, სცენარების ავტორი, მუსიკოსი, მესვეტე, ფილმების პროდიუსერი და რეჟისორი.
გაყიდული აქვს წიგნების 350 მლნ-ზე მეტი ეგზემპლარი და კარგად ცნობილია საშინელებათა ლიტერატურის ჟანრში, რომელშიც ჟანრის ისტორიის საფუძვლიანი ცოდნით გამოირჩევა.
მას ასევე დაწერილი აქვს არაერთი სასცენო ტექსტი როგორც ფანტაზიის, ასევე არაფანტაზიის ჟანრში. ავტორია ტელესცენარებისა, მათ შორის, კომიკურ სტილში.
მოღვაწეობს როგორც ჟურნალისტი.
ზოგიერთი ნაწარმოები გამოცემული აქვს ფსევდონიმებით:
რიჩარდ ბაქმანი — „მძვინვარება“, „ხანგრძლივი გასეირნება“, „მორბენალი ადამიანი“, „წონაში იკლებს“, „რეგულატორები“ და „ბლეიზი“;
ჯონ სუითენი — მხოლოდ თხზულებები.
კინგმა მწერლის კარიერა 1959 წელს დაიწყო, როდესაც უფროს ძმასთან ერთად , ადგილობრივი, საქალაქო გაზეთის გამოცემა დაიწყო.
1960 წელს მან 18 მოთხრობისგან შემდგარი კრებული გამოუშვა სახელწოდებით „ხალხი, ადგილები და რამეები—ტომ!“
1974 წელს გამომცემლობა „Doubleday“ გამოსცემს რომანს „კერი“, რომლისთვისაც კინგს ავანსად უხდიან 2500 $-ს. შემდგომ გამომცემლობამ ამ რომანზე საავტორო უფლებები ახალ ამერიკულ ბიბლიოთეკას 400 000 $-ად მიჰყიდა, თანხის ნახევარი კი კინგმა აიღო.
1970-იანი წლების მიწურულს კინგმა, რიჩარდ ბაჰმანის ფსევდონიმით, თავისი ადრეული რომანი „ამასთან შეგუება“ ახალი სახელით „მძვინვარება“ გამოსცა.
1982 წელს გამოვიდა ახალი რომანი „მსროლელი“ — პირველი რომანი ციკლიდან „ბნელი კოშკი“.
1989 წელს კინგმა გამომცემლობა „ვიკინგთან“ 35 მლნ $-იან კონტრაქტს მოაწერა ხელი, რომლის მიხედვითაც მას ამ სერიით კიდევ ოთხი წიგნი უნდა დაეწერა.
1999 წელს კინგს მანქანა დაეჯახა. მწერალმა სერიოზული ტრავმები მიიღო. ეს შთაბეჭდილებანი მან მოგვიანებით მემუარებში „როგორ დავწეროთ წიგნი“ და „ბნელი კოშკის“ მეშვიდე ნაწილში აღწერა.
გარდა ამისა, სტივენ კინგს მონაწილეობა აქვს მიღებული სერიალ „საიდუმლო მასალების“ მეხუთე სეზონის პირველი სერიის შექმნაში. სერიას ჰქვია „Chinga“.
სტივენ კინგმა, გვენტის კინოაკადემიის სტუდენტებს თავისი ნაწარმოების, Stationary Bike, ეკრანიზაციის უფლება სულ რაღაც ერთ დოლარად მიჰყიდა.
