გაიცანით „საბავშვო ლიტერატურის დედა“ - ბავშვური სამყაროს ყველაზე დიდი შემოქმედი, შვედი მწერალი ასტრიდ ლინდგრენი.
მწერალი არასდროს იტყუებოდა. ის წერდა სინამდვილეზე, რეალურ ამბებზე, სევდიან თუ მხიარულ დასასრულებზე, ბავშვებზე და მათდამი სიყვარულზე.
მისი ნაწარმოებები თარგმნილია მსოფლიოს 85 ენაზე და გამოცემულია 100-ზე მეტ ქვეყანაში.
ასტრიდის შესაძლებლობები გამოვლინდა უკვე დაწყებით სკოლაში, სადაც მას „ვიმერბიუელი სელმა ლაგერლოფის“ სახელით იცნობდნენ. თუმცა, მისი აზრით, იგი ამ წოდებას არ იმსახურებდა.
თავის ავტობიოგრაფიულ ნაშრომებში ასტრიდი წერს, რომ იგი იზრდებოდა „ცხენის“ და „კაბრიოლეტის“ ხანაში. გადაადგილების მთავარი საშუალება ცხენოსანი ეკიპაჟი იყო, ცხოვრების ტემპი უფრო ნელი იყო, გასართობი საშუალებები — უბრალო, ხოლო ურთიერთობა ბუნებასთან — უფრო მეტი, ვიდრე დღეს
16 წლის ასაკში მან დაიწყო მუშაობა გაზეთში „Wimmerby Tidningen“.
1926 წლის დეკემბერში მას ეყოლა შვილი ლარსი. ასტრიდს არ ჰქონდა საკმარისი ფული, რათა ერჩინა შვილი და იძულებული იყო, იგი დანიურ ოჯახში საცხოვრებლად დროებით გაეშვა.
1931 წელს იქორწინა სტურე ლინდგრენზე და დანიიდან ლარსი ჩამოიყვანა.
2002 წლის 28 იანვარს გარდაიცვალა
