პროდუქციის ფილტრი - ბიბლუსი

გურამ დოჩანაშვილი

✔️ გაიცანით გურამ დოჩანაშვილი - თანამედროვე ქართველი კლასიკოსი მწერალი.

 

▪️გურამ დოჩანაშვილი დაიბადა 1939 წლის 26 მარტს ქ. თბილისში. მომავალი მწერლის მამა — პეტრე დოჩანაშვილი იყო ექიმი, ხოლო დედა — გულნარა ემხვარი - დიასახლისი. 1946 წელს მომავალი მწერალი სასწავლებლად მიაბარეს ვაჟთა პირველ სკოლაში ხოლო შემდგომ ექსტერნად დაამთავრა სკოლა და მუსიკალური სასწავლებელი. 
▪️ 1957 წელს ანტისაბჭოთა საქმიანობისათვის 3-წლიანი პატიმრობა მიუსაჯეს, რაც მალე პირობითი სასჯელით შეუცვალეს. 1959 წელს შეუერთდა არალეგალური პატრიოტული ორგანიზაცია — „გორგასლიანს“.
▪️ თბილისის სახელმწიფო უნივერსიტეტში სწავლისას გაიცნო მისი მომავალი მეუღლე ნათელა სეფიაშვილი. ქორწინებას მოჰყვა გურამისთვის ერთერთი უმთავრესი მოვლენა, ქეთოს, საკუთარი  შვილის დაბადება , რომელსაც მიუძღვნა პირველი წიგნი "მთის გადაღმა". შემდგომ ნათელასა და გურამს ვაჟი - ირაკლი შეეძინათ თუმცა 1990 წელს მისი სიცოცხლე უბედურმა შემთხვევამ იმსხვერპლა.
▪️ ამ მოვლენამ ყველაზე მძიმე დარტყმა მიაყენა ჩვენს მწერალს, სრულად შეიცვალა როგორც მისი ცხოვრება, ასევე მწერლობაც. უმძიმესი დღეების გადატანაში სასულიერო პირები და ახლო მეგობრები დაეხმარნენ, რამაც ეკლესიასთან, ღმერთთან დაახლოვა. გადარჩენასა და უფლისადმი მიქცევას გურამი დიდად უმადლის საქართველოს კათალიკოს-პატრიარქს.
▪️ გურამ დოჩანაშვილის მთავარი თემებია სიყვარული, სიკეთე, შეუპოვარი ბრძოლა ბოროტების წინააღმდეგ და თავისუფლებისკენ სწრაფვა არის. გურამ დოჩანაშვილის შემოქმედება თარგმნილია მრავალ ენაზე, მისი ნაწარმოებები საფუძვლად დაედო ცნობილ კინოფილმებსა და ტელესპექტაკლებს.