ირაკლი მახარაძე კინორეჟისორი, მკვლევარი.
თეატრალური ინსტიტუტის კურსდამთავრებული. გადაღებული აქვს დოკუმენტური და ანიმაციური ფილმები: "ლელოს შემობრუნება", "უაილდ უესთის მხედრები", "ვინც მოვიდა გაუმარჯოს!", "გურული ფირალები", "დიმიტრი შევარდნაძე".
არის ავტორი წიგნებისა:"გურული მხედრები ამერიკაში", "ერთი მუჭა ვესთერნი", "გურული ფირალები", "ტერორისტები", "ქართველები ამერიკაში". მისი სტატიები იბეჭდება ქართულ და ამერიკულ ჟურნალებში.
წინამდებარე წიგნი ეძღვნება ქართული კინოს მუნჯ პერიოდს. მასში მოთხრობილია იმ ადამიანებზე, ვინც საფუძველი ჩაუყარა საქართველოში კინოთეატრების მოწყობა-აშენებას, ჩამოტანილი თუ აქვე გადაღებული ქრონიკის კომერციულ-ჩვენება-გასაღებას; პირველ ქართულ დოკუმენტურ და მხატვრულ ფილმებზე, მათ ავტორებსა, შემქმნელებსა და მსახიობებზე; აღწერილია კინომოღვაწეებთან დაკავშირებული საინტერესო ამბები. ასევე, როგორი ტრანსფორმაცია განიცადა მუნჯმა კინომ დროის შეცვლასთან ერთად და როგორ შეაბიჯა ხმოვან ერაში.
