ჩემო პატარავ, შენ ალბათ უკვე იცი ხალხური ლექსი „თხა და ვენახი“ და ფერადი კუბების აწყობაც გიყვარს.
ჩვენ სწორედ ამ ლექსის მიხედვით შევადგინეთ კუბები ხალისიანი ნახატებით. თითოეული ნახატი 9 ნაწილისგან შედგება და შესაბამისად, კუბიც 9 ცალია. თუ შენ ყურადღებით დააკვირდები ამ ნახატებს, მაშინ სულაც არ გაგიჭირდება კუბების შესაბამისი წახნაგების მოძებნა. და სულ მალე მგლის, თოფის ან დანარჩენი ნახატების აწყობასაც შეძლებ. თან ლექსის წაკითხვაც არ დაგავიწყდეს. თუ ჯერ კითხვა არ გისწავლია, დედიკო ან ბებო დაგეხმარება, ან სულაც უფროსი და ან ძმა. ხოლო თუ ლექსი უკვე ზეპირად იცი, მაინც წაიკითხე. გამეორება ცოდნის დედააო, – ჩვენს წინაპრებს ასე უთქვამთ და ეს ანდაზაც დაიმახსოვრე. ასე რომ, ახლა ჯერი შენზეა. თუ რაც გითხარი, ყველაფერს კარგად დაიმახსოვრებ, მალე კუბებსაც ააწყობ და ახალ ლექსსაც ისწავლი ან გაიმეორებ. სწორედ ასე დაუმეგობრდები კუბების წიგნს „თხამ ვენახი შეჭამა“. გზა მშვიდობისა, მხიარული კუბების სამყაროში!..