შემთხვევითი პაემანი წიგნთან –  ორიგინალურად შეფუთული წიგნები - ბიბლუსი
შემთხვევითი პაემანი წიგნთან –  ორიგინალურად შეფუთული წიგნები

შემთხვევითი პაემანი წიგნთან –  ორიგინალურად შეფუთული წიგნები

პაემანზე უცნობ ადამიანთან თუ ყოფილხართ? არა? მაშინ დროა, სცადოთ შემთხვევითი პაემანი წიგნთან. ასე საინტერესოდ ჟღერს "ბიბლუსის" ახალი ინიციატივა, რომლის ფარგლებშიც წიგნები ისეა შეფუთული, რომ მყიდველმა არ იცის, რომელ წიგნს ყიდულობს. პროექტისთვის მხატვრული ლიტერატურიდან უკანასკნელი 3 თვის ბესტსელერი წიგნები შეირჩა. თითოეულ შეფუთვაზე პატარა ხელნაკეთი მინიშნებაა, რომელიც მკითხველს საშუალებას აძლევს გამოიცნოს, თუ რომელი შეფუთვის ქვეშ რომელი წიგნი იმალება.
გამოწვევის მონაწილე წიგნები ორ საფასო კატეგორიაშია განაწილებული. გამოცემები, რომელთა ფასებიც 9-11 ლარის ფარგლებში მერყეობს, 9 ლარად იყიდება, ხოლო 12-დან 15 ლარამდე ღირებულების წიგნები - 12 ლარად. ეს კიდევ ერთი სტიმულია მკითხველისთვის, რომ წიგნები შეიძინონ. საინტერესო გამოწვევაში ჩართული მკითხველი ორმაგ სარგებელს მიიღებს: ერთი მხრივ პოზიტიურ ემოციას, რომელსაც ულამაზესად შეფუთული წიგნები მოგიტანთ,  მეორე მხრივ კი ბესტსელერების შეძენას რეგულარულთან შედარებით უფრო დაბალ ფასადაც შეძლებთ.

იდუმალებით შეფუთული წიგნები საუკეთესო საუკეთესო სასჩუქრე იდეაა. "ბიბლუსის" გამოწვევა შეიძლება სამეგობრო წრის გამოწვევადაც იქცეს. აჩუქეთ ერთამენთს ლამაზად შეფუთული წიგნები და პოზიტიური ემოციები.

შემთხვევითი პაემანი წიგნთან გელოდებათ "ბიბლუსი გალერეაში", თბილისი: ჭავჭავაძის #7