წიგნები, რომელთა წაკითხვასაც მსოფლიოში  ყველაზე წარმატებული ბიზნესმენი, ბილ გეიტსი გირჩევთ - ბიბლუსი
წიგნები, რომელთა წაკითხვასაც მსოფლიოში  ყველაზე წარმატებული ბიზნესმენი, ბილ გეიტსი გირჩევთ

წიგნები, რომელთა წაკითხვასაც მსოფლიოში ყველაზე წარმატებული ბიზნესმენი, ბილ გეიტსი გირჩევთ
ბილ გეიტსი გარდა საკუთარი სახელგანთქმული ბიზნესისა ცნობილია ლიტერატურის სიყვარულითაც. ბავშვობაში წიგნებისგან მისი მოწყვეტა იმდენად რთული ყოფილა, რომ მისმა მშობლება შემოიღეს საოჯახო წესი: არანაირი წიგნი სადილის დროს. ის ზრდასრულ ასაკშიც გამოირჩევა წიგნების სიყვარულით და პერიოდულად სოციალური ქსელების საშუალებით ავრცელებს ინფორმაციას თავისი რჩეული წიგნების შესახებ. ეს წიგნები კი ყოველთვის მრავალფეროვანია და მოიცავს თემებს პოლიტიკიდან, ბიზნესიდან, საბუნებისმეტყველო მეცნიერებებიდან და ა.შ. 
წარმოგიდგენთ რამდენიმე წიგნს, რომელთაც ბილ გეიტსი ურჩევს სხვადასხვა სფეროთი დაინტერესებულ მკითხველს:
დენი როჯერსის „კამპანიები, რომლებმაც შეძრა მსოფლიო“ 
ბოლო ოთხი ათწლეულის განმავლობაში ძლიერმა ნოვატორულმა PR კამპანიებმა ხელი შეუწყო თანამედროვე პოპულარული კულტურისა და საზოგადოებრივი აზრის ფორმირებას. მსოფლიოს უდიდესი მარკეტინგული საკომუნიკაციო ჯგუფის, „WPP“-ის აღმასრულებელი დირექტორის, მარტინ სორელის წინასიტყვაობით, წიგნი „კამპანიები, რომლებმაც შეძრა მსოფლიო“ მოგვითხრობს მსოფლიოს 9 გადამწყვეტი კამპანიის შესახებ და არკვევს, თუ რა გახდა მათი წარმატების მიზეზი. 
დევიდ ფოსტერ უოლესის „სიმების თეორია“
ამ წიგნს არაფერი აქვს საერთო ფიზიკასთან. „სიმების თეორია", რაც არ უნდა გასაკვირი იყოს, ჩოგბურთის შესახებ უოლესის მიერ დაწერილი ხუთი საუკეთესო ესსეს კრებულია. ეს ის სპორტია, რომელსაც ბილ გეიტსმა თავი მაიკროსოფტში მუშაობისას დაანება და ახლა ისევ დიდი გატაცებით მისდევს. 
ჯონ კინგის “ლიდერობის ხელოვნება“ - ორ ათეულზე მეტ კორპორაციაში 24 000-მდე ადამიანის 10 წლის განმავლობაში ზედმიწევნითი შესწავლის შედეგად, ლოგანმა, კინგმა და ფიშერ-რაითმა დააზუსტეს და განსაზღვრეს საერთო თემატიკა: კომპანიის წარმატება დამოკიდებულია მის ტომებზე, ტომების ძალას განსაზღვრავს ტომობრივი კულტურა, წარმატებული კორპორატიული კულტურა კი ტომის ეფექტიანმა ლიდერმა უნდა დაამყაროს.  ყოველი კომპანია წარმოადგენს ტომს, ხოლო თუ ის დიდია, მაშინ 150-მდე ადამიანისგან შემდგარი ტომების ქსელს, რომლებიც ერთმანეთს იცნობენ და ურთიერთობენ.  

ბრაიან თრეისის „შეჭამე ბაყაყი“

ბრაიან თრეისის „შეჭამე ბაყაყი“ დროის მენეჯმენტისა და პირადი პროდუქტიულობის ინდუსტრიის მთავარი იდეებისა და ტექნიკათა ნაზავია. წიგნი აღწერს დროის არაეფექტურად ხარჯვის დაძლევის არაერთ გზას და ამ ტექნიკებს ადამიანებისთვის მარტივად ხელმისაწვდომად წარმოაჩენს. თხრობა უმარტივესი ტერმინებით მიმდინარეობას, წიგნში ვერსად წააწყდებით ჟარგონებს ან მეცნიერულ კვლევებს არგუმენტების გასამყარებლად. ყველა რჩევა ავტორის პირადი გამოცდილებიდან მოდის და წიგნის მთავარი ფოკუსიც სწორედ მყისიერი და ეფექტიანი გზების ძიებაა.