ვალენტინობას, " მუსიკის ქალაქი" თელავის "პიატოში" განახლებული რეპერტუარით წარსდგება - ბიბლუსი
ვალენტინობას, " მუსიკის ქალაქი" თელავის "პიატოში" განახლებული რეპერტუარით წარსდგება

14 თებერვალს, თელავის კულტურის ცენტრთან არსებული ცნობილი მუსიკალური ბენდი "მუსიკის ქალაქი", წიგნის კაფე "პიატოში" შეკრებილი სტუმრების წინაში,  განახლებული რეპერტუარით წარსდგება.

ბენდის გენერალური მენეჯერის, გურამ თარხნიშვილის თქმით, თელავის "ბიბლუსი გალერეაში" მდებარე"პიატოში" მისულ სტუმრებს, შესაძლებლობა ექნებათ ბენდის ძველ და ახალ სიმღერებს მოუსმინონ. გაიჟღერებს როგორც ქართული, ისე უცხოენოვანი კომპოზიციები.

" 14 თებერვალი შეყვარებული წყვილებისთვის და არა მხოლოდ მათთვის, განსაკუთრებული თარიღია. წიგნის კაფე პიატოში შეკრებაც, ვფიქრობ, სიმბოლურია, რადგან ასეთ შესანიშნავ გარემოს, სხვაგან ვერსად იპოვით. ჩვენი მხრიდან მაქსიმალურად ვეცდებით, რომ ეს დღე, კიდევ უფრო დასამახსოვრებელი გავხადოთ. რეპერტუარი, რომელსაც  შევასრულებთ, დარწმუნებული ვარ, განსაკუთრებულ მოწონებას დაიმსახურებს",- თქვა თარხნიშვილმა.

თელავის კულტურის ცენტრთან არსებული მუსიკალური ბენდი "მუსიკის ქალაქი", რომელიც თელავში განსაკუთრებული პოპულარობით სარგებლობს, 2012 წელს დაფუძნდა. 9 მუსიკოსისგან შემდგარი ჯგუფი, სხვადასხვა ჟანრის სიმღერებს ასრულებს. უკრავენ  ელექტროგიტარაზე, ბაზგიტარაზე და დრამზე.

რაც შეეხება წიგნის კაფე "პიატოს", 14 თებერვალს, თელავში, ბახტრიონისა და სააკაძის კვეთაზე მდებარე "ბიბლუსი გალერეაში" მისულ სტუმრებს, ის სხვა საინტერესო სურპრიზებსაც უმზადებს. სტანდარტულ მენიუსთან ერთად, ღონისძიებაზე მისულ ადამიანებს, სტანდარტულ კერძებთან ერთად, შესაძლებლობა ექნებათ დააგემოვნონ სპეციალურად ამ დღისთვის შექმნილი ორი სახის "წყვილის მენიუ", მონაწილეობა მიიღონ გათამაშებაში და მოიგონ საინტერესო პრიზები.

დეტალური ინფორმაცია 14 თებერვალს,  წიგნის კაფე "პაიტოს" მიერ ორგანიზებული  ღონისძიებების შესახებ შეგიძლიათ იხილოთ ქვემოთ მოცემულ ბმულზე: https://goo.gl/NBCqTV