დეილ კარნეგი: მოიქეცით ისე, როგორც გენერალი ეიზენჰაუერი: არასოდეს, არცერთი წუთით არ იფიქროთ იმ ადამიანებზე, ვინც თქვენთვის არასასიამოვნოა - ბიბლუსი
დეილ კარნეგი: მოიქეცით ისე, როგორც გენერალი ეიზენჰაუერი: არასოდეს, არცერთი წუთით არ იფიქროთ იმ ადამიანებზე, ვინც თქვენთვის არასასიამოვნოა

– მოიქეცით ისე, თითქოს ბედნიერი ხართ და თქვენ აუცილებლად გახდებით კიდევ უფრო ბედნიერი",- წერდა ცნობილი ამერიკელი მწერალი და ფსიქოლოგი დეილ კარნეგი, რომელსაც "უკონფლიქტო და წარმატებული ურთიერთობების თეორიის" შექმნას მიაწერენ.

გთავაზობთ რამდენიმე საინტერესო ფაქტს მისი ბიოგრაფიიდან:

კარნეგი ღარიბი ფერმერის ოჯახში დაიბადა. კოლეჯში სწავლისას, სტუდენტთა საცხოვრებელში უნდა ეცხოვრა, თუმცა დღიური 1 დოლარის გადახდა არ შეეძლო რის გამოც, კოლეჯში სხვა ქალაქიდან ყოველ დღე უწევდა სიარული;

ერთხელაც, წარუმატებელი სამსახიობო კარიერის შემდეგ, ორატორობის-საჯარო მეტყველების გაკვეთილების ჩატარება გადაწყვიტა. მისი წარმატებაც აქედან დაიწყო;

ირწმუნებოდა, რომ საჯარო მეტყველების სკოლის დაარსებიდან 2 წლის შემდეგ, ყოველკვირეული შემოსავალი 500 დოლარს აღემამატებოდა, რაც დღევანდელი გათვლებით, 10.000 დოლარზე მეტია. სიმართლეა თუ არა ეს, არავინ იცის;

"არ არსებობენ ცუდი ადამიანები, არსებობს გაუგებარი გარემოება, რის გამოც არ ღირს სხვა ადამიანების ცხოვრების და ხასიათის გაფუჭება",-ეს კარნეგის თეორიის ერთერთი მთავარი პრინციპი იყო;

მისი მიდგომები, არასდროს კარგავს პოპულარობას. წიგნები კი მკითხველს: "მოიქეცით ისე, როგორც გენერალი ეიზენჰაუერი: არასოდეს, არცერთი წუთით არ იფიქროთ იმ ადამიანებზე, ვინც თქვენთვის არასასიამოვნოა",-ამბობდა ის.

კარნეგის ნაშრომებს შორისაა: ”საჯარო მეტყველება - პრაქტიკული კურსი ბიზნესმენთათვის”, ”როგორ დავძლიოთ მღველვარება და დავიწყოთ ცხოვრება”, "როგორ მოვიპოვოთ მეგობრები და მოვახდინოთ გავლენა" და სხვა...

კარნეგს ღრმად სწამდა, რომ წარმატების მიღწევა მხოლოდ იმ შემთხვევაში იყო შესაძლებელი, თუ ადამიანს გულწრფელად მოსწონდა ის, რასაც აკეთებდა. კარნეგი ასევე დარწმუნებული იყო, რომ : “ადამიანმა საკუთარ თავში რწმენის გაღვიძებისთავის საჭიროა აკეთოს ის, რისიც ყველაზე მეტად ეშინია”.

ის ორჯერ იყო დაქორწინებული და 1 შვილი ჰყავდა. 66 წლის ასაკში ავადმყოფობის შედეგად გარდაიცვალა.