ჩემი საბჭოთა წარსული - ბიბლუსი
ჩემი საბჭოთა წარსული

  წიგნში "ჩემი საბჭოთა წარსული", ავტორის მეხსიერებაში დალექილი საბჭოთა იმპერიის, იგივე საბჭოთა კავშირის  დაარსების (1922 წ), აღორძინებისა და დაცემის (1991წ) და ამ იმპერიაში საქართველოს და ერთი საბჭოთა მოქალაქის  ამბავია მოთხრობილი.

ავტორი გვიყვება იმ  კოლოსალური მსხვერპლის შესახებ, რაც ადამიანებმა გაიღეს  კომუნისტური სისტემის  ასაშენებლად, რომელიც სიყალბეზე იყო აგებული. სტალინმა თავის რკინის ხელით ააშენა სოციალიზმი,  ხოლო მისმა დიქტატურამ სახელმწიფოში  დანერგა საყოველთაო შიშის, დაუნდობლობის, დასმენებისა და ტერორის ატმოსფერო.  მილიონობით პოლიტპატიმრის ხელით შენდებოდა ქალაქები, ფაბრიკები, ქარხნები.

  ასე გახდა საბჭოთა იმპერია მსოფლიოში ერთ-ერთი უმძლავრესი მილიტარისტული სახელმწიფო, ხოლო მისი მოსახლეობა - ერთ-ერთი უღარიბესი.

სტალინის სიკვდილის შემდეგ ქვეყანაში მარწუხები ნელ-ნელა მოეშვა, კომუნიზმის რწმენა დაიკარგა, რასაც ხალხი სახელმწიფოს  გაქურდვით პასუხობდა.

 ეს პროცესი სტალინის შემდგომი „ლიდერების“ მმართველობისას თანდათან უფრო ძლიერდებოდა  და სადღაც მეოცე საუკუნის 70-80-იანი წლებისათვის  საბჭოთა ეკონომიკა თითქმის მთლიანად „ქურდულ ეკონომიკად“ გადაიქცა, რამაც  საბოლოოდ  გამოუთხარა მას კიდევაც ძირი. ამას ხელი შეუწყო აგრეთვე  სხვა უამრავმა შინაურმა და საგარეო ფაქტორმა.

 წიგნში აღწერილია აგრეთვე რა პროცესები მიმდინარეობდა ამ დროს  საქართველოში, როგორც პოზიტიური, ისე ნეგატიური.
   

   ბოლოს, 1991 წელს, როცა  სსრ კავშირმა არსებობა  შეწყვიტა  საქართველომაც მის სხვა კოლონიებთან ერთად დამოუკიდებლობა მოიპოვა.