„ბიბლუსმა“ SOS ბავშვთა სოფლის ბენეფიციარებს საახალწლო საჩუქრები გადასცა - ბიბლუსი
„ბიბლუსმა“ SOS ბავშვთა სოფლის ბენეფიციარებს საახალწლო საჩუქრები გადასცა

წიგნის მაღაზიათა ქსელმა „ბიბლუსმა“ პროექტის „ერთი ჩემია, ერთი შენიას“ ფარგლებში, კიდევ ერთ საქველმოქმედო ღონისძიებაში მიიღო მონაწილეობა, რომლის ფარგლებშიც საქართველოს SOS ბავშვთა სოფლის ბენეფიციარებს დამდეგი ახალი წლი მიულოცა და საახალწლო საჩუქრები გადასცა. მათ შორის, წლის ერთერთი ყველაზე მოთხოვნადი, საბავშვო წიგნები, სახატავი რვეულები, ფანქრები და სხვა საახალწლო აქსესუარები. 

საქველმოქმედო პროექტი ქართული ხალხური სიმღერისა და ცეკვის სახელმწიფო აკადემიურ ანსამბლ „ერისიონთან“ ერთად თანამშრომლობით განხორციელდა. ღონისძიებას განსაკუთრებული ელფერი შესძინა ერისიონის სოლისტებისა და წამყვანი მოცეკვავეების მიერ შესრულებულმა ქართულმა ხალხურმა სიმღერებმა და ცეკვამ.

„ბიბლუსმა“ და „ერისიონმა“ დღეს განსაკუთრებით გაგვახარა. ძალიან მიყვარს ის წიგნები, რომლებსაც გვჩუქნიან. განსაკუთრებით სათავგადასავლო ჟანრი მომწონს. წინა სტუმრობისას, აგათა კრისტის წიგნი მომიტანეს. ძალიან მომეწონა. ზუსტად 2 დღეში წავიკითხე. დღეს ერისიონმაც ძალიან გაგვახარა. ძალიან ლამაზად იცეკვეს. ეს ემოციები დიდ ხანს გაგვყვება მადლობა მათ“,–თქვა ერთერთმა ბენეფიციარმა.

საქართველოს SOS ბავშვთა სოფელში გამართულ საქველმოქმედო ღონისძიებაში სხვა კომპანიებიც ჩაერთნენ, მათ შორის: „ჭიტა“ , „ტკბილი ქვეყანა“ და „არსი კოლა“, რომლებმაც ბავშვთა სახლის ბენეფიცირებს დამდეგი ახალი წელი მიულოცეს და სხვადასხვა საახალწლო საჩუქრები გადასცეს.